ابني عصبي و عنيد ماذا أفعل

سن سنه هو سن لفت الانتباه وبدايه فتره صعب عاوزة ام صبورة وحنونه  ... 

حب كتيييير حنان وممنوعات اقل مسموحات اكترر اوامر ونواهى عمال على بطال ممنوووووع

اول سنه فى عمر الطفل انتى اللى مسئوله تخلى البيئه اللى حواليه امنه مهيئه انه يشد ويسند ويمسك اى حاجه حواليه ويحطها فى بقه ويستكشف ويفتح كل حاجه ده حقه عليكى هو مش مسئول انك سايبه الحمام مفتوح ولا الفازة عالترابيزة ولا المقص قريب من ايده
هو مش مسئول انك حاطه الزيت فى رف المطبخ اللى تحت ولا ان الحاجات المهمه بالنسبه لك جنب ايده خللى المسموح بسسس هو المتاح واللى مش مسموح غير متاح اصلاااااااااااااااا
لرفض لاى تصرف بيعمله اول سنتين هو لاااا وتكشيرة وبسسس لا ضرب ولا زعيق ولو صمم شتتى انتباهه ف حاجه تانيه من غير ماتفقدى اعصابك
الكلام ده عشان ينجح عايذ شروط:
عايز ام هاديه محبه بتلاعب الطفل طول اليوم وتلاغيه ولا بتكشر فى وشه ولا بتفخ وتتافف وتتعصب

عايز طفل حاسس بالامان مع امه واها بتلبى رغباته اول باول مش بتسيبه يعيط عشان يتعود انها مشغوله وهو عمره شهور تتعد عالصوابع

تجاهلى اكتر ماتقولى لاااا بالذات فى السن الاكبر عشان الطفل ميعندش ......

وفى الاول خللى لا لحاجه واحده بس او حاجتين وبعد مايفهم ويستوعبهم ويكبر شويه بنزود المحرمات مش كل حاجه لااا وفاكراه هيسمع الكلام

لما يكبر اكتر التجاهل افضل حل عشان متكتريش برده من كلمة لاااا

طالما اموضوع مش خطير سيبيه يرضى فضوله وانتى عامله نفسك مش واخده بالك مع محاولة تشتيته

خليكى هاديه وصوتك ميعلاش الطفل بيتعلم الزعيق مننا والضرب مننا والعنف مننا ونرجع نسال هو بيصرخ ليه وبيعض ليه

خليكى حازمه واللى قولتى عليه لا هو لااا متجيش بعد يومين عشان زهقانه وتعبانه تسبيه المرة دى كده الطفل هيعرف ان مالكيش كلمه

ممنوع تدى حاجه للطفل عشان بيصرخ وعاوزها لو مش قادرة تستحملى صراخه من الاول سيبيهاله لكن انى تنفذى طلبه بعد ماعيط دى كاااااارثه

ممنوووع تانى اى ضرب من اى نوع ..معظم الاوقات الزعيق والضرب بيكون تنفيس عن غضبك انتى وعصبيتك والقاعده الذهبيه للتربيه هى انك تعملى اللى يتعبك مش اللى يريحك 

الطفل احيانا بيزيد فى الغلط اوى عشان يلفت الانتباه وياخد اهتمام اكتر شوفى سبب غيرته طفل جديد قعدتك عاللاب كلامك فى التليفون شغل البيت والمطبخ فى وقت هو عاوزكهل له وقت كااافى ومخصص معاكى للعب سوا من غير تليفزيون ونت
هل له خروجات معاكى لوحدكوا بعيدا عن شرا الخضار والزيارات العائليه

اديله اهتمام اكتر وحب ودلع وتجاهلي اخطاؤه اكتر هينتفى سبب العند لان اخطاؤه هتبطل تضايقك وهو نفسه مع اهتمامك هيبطل يحتاج يضايقك

الطفل من سن سنه ونص بيفهم كل كلامنا فممنوووع الكلام السلبى عنه قدامه بلاش جننتنى وعصبتنى ونشتكيه لبابا وجدته وهو قاعد ياريت نستبدله بالاطراء عليه ووصفه بصفات حلوة صدقونى بيفهموا وياريت تقولوا الكلام ده ليه وللاخرين قدامه وكإنك مش واخده بالك انه سامع 

تخيلى كده ان اقرب الناس ليكى واغلى الناس على قلبك بيحاسبك على غلطانه هو مش غلطاتك وبدل ما كنتى فرحانه بالدنيا معاه وناويه تكتشفيها وتتعلميها معاه تلاقيه واقفلك عقبه وكل حاجة لاااا وبس ومينفعش وكفايه وزعيق وضرب وساعات اهانه هتعملى ايه هتكرهيه طب لو هو كل حياتك هتعملى ايه هتتعصبى مش كده وهتعندى معاه وممكن تتعمدى تستفزيه واكيد هتبطلى تسمعى كلامه لو عندك شخصيه او للاسف تبقى شخصيه خايفة ومهزوزة وتنفذى الاوامر بس لانك خايفه......هما دول ولادنا وده اللى معظمنا بيعمله فيهم كام مرة سبتى قدامه حاجة ممكن تتكسر ولما تتكسر تزعقى كام مرة كنتى حاطه الرز والمكرونه وللا الزيت فى رف المطبخ اللى تحت ولما يدلق الزيت تشخطى فيه وتقوليله انت هتجننى .....كام مرة سبتى باب الحمام مفتوح ومشترتيش قفل للتواليت ولما تلاقيه بيلعب فيه تقوليله انت بنى ادم مقرف كام مرة سبتى صباع الروح بتاعك او علبه الكريم فى متناول ايده ولما يرسم بيه عالحيطه ويبهدل الدنيا يمكن تضربيه ......كام مرة غلطتى انتى وحاسبتيه هوالطفل جاى الدنيا ميعرفش حاجة نفسه يتعلم ويستكشف معاكى وفى وجودك عاوز يلمس ويتذوق ويفتح ويشد ويمس المعلقه والكوبايه يتفاجئ انك كل حاجة لاااااا وبس وهس وحرام عليك ومينفعش وانت معجون بمياه عفاريت وزعيق واقفى عقبه قدامه وبدل مانتى اللى تساعديه لاااااا تحبطيه وتتهميه بانه شقى او مقرف وبدال ما نفرح بيه انه جاب رسى وقف عليه عشان يوصل للى هو عاوزه لاااا نزعق ونقولله انت مبتتهدش :(ابعدى عن ايده كل حاجة مش عاوزاه يوصلها واقفلى الدرف المهمه والتلاجة والتواليت وسيبى الباقى يفتح فيه ويلعب سيبى ادراج ودرف فى المطبخ والكومودينو فيهم لعب وبلاستيكات عشان يفتح ويشد ويكتشف براحته ملحوظه :مفيش عقاب قبل سنتين من اى نوع اللهم الا كلمه لاااااااا بحزم وشده وعند الضرورة فى اضيق الحدود عشان يعرف ان فيه ممنوعات ويقدر يحددها ويسمع الكلام ملحوظه كمان:انتى عاوزة تربى ابنك على انه يعمل الصح عشان خايف منك وللا عشان بيحب ميزعلكيش ياريت يعمله عشان بيحبك لحد مايفهم انه بيعمله عشان ده اختيار انسب ليه من الاختيارات المتاحة لحد مايكبر ويختار هو الصح اللى مقتنع بيه لكن اذا كان عالخوف بكرة يبطل يخاف منك ويبطل يعملك خاطر رفقا باولادنا رحمكم الله .

د . رانيا السبكي