تجربة ناجحة فى علاج الم الحلمات الرهييييييب مع النزيف

السلام عليكم ورحمة الله وبركاته

باية أحب اشكر الدكتورة شروق فى مساعدتها ليا فى تغيير هام جدا فى حياتى انا وابنى بانى ارضعه رضاعه طبيعيه بعد االاحباط اللى جالى من جميع الاطباء فلها منى خالص الشكر والتقدير والامتنان

بداية انا بدأ الالم عندى من ثالث يوم للولاده تقريبا بدأ الم بسيط وبعد كده زاد وحصلى التهابات فى الحلمه وتشققات وصديد ودم كنت بتابع مع دكتورة من اول يوم حسي بالالم ولكن الحاله كانت بتزداد سوء كل مرة تغير لى المراهم والكريمات والمضادات الحيوى والحلمه الصناعى ومافيش فايده

جربت كل حاجه تقريبا لمدة 3 شهور والالم رهيب وروحت لدكتور تانى لما جالى الصديد اول مرة والدكتورة الاولى ماعرفتشى تعالجه نصحنى بشده انى اخد حبوب تنشيف اللبن وارضع صناعى رفضت طبعا

كده سافرت بورجع لى الصديد والتهاب الثدى مرة تانيه وثالثه ورابعه وكل مرة الدكاترة ينصحونى بشده انى ارضع صناعى لانى كمان كنت باخد مضادات حيوى باستمرار وفى خامس مرة الصديد كان فى الثديين الاثنين حاولت اديله صناعى على ماالصديد يقل شويه رفض بشده وقلبى وجعنى قوى وبقيت انا وهو بنبكى وزوجى كمان نفسيته تعبت جدا عشانا 

وفى يوم شوفت موضوع للدكتورة شروق راسلتها

فى البدايه عرفتنى ان اكبر مشكله عندى هى طريقة الامساك الخطأ للثدى وبعتت لى موقع الدكتور جاك نيومان وعرفت الحمد لله الطريقه الصحيحه الالم قل شويه لكن كان لسه فيه التهاب فى الثدى وتشققات ودم

قالت لى على تركيبه عملها الدكتور جاك لعلاج جميع الم الحلمات

مش هكذب عليكم لو قلت لكم انى بدأت احس بتحسن كبير حتى من قبل مااستعمل التركيبه

بسبب تشجيع الدكتورة شروق واعطائها امل ليا انى ممكن اتحسن وارضع طبيعى ان شاء الله

وماذكرتشى نهائى اللبن الصناعى 

ده اعطانى راحه نفسيه كبيره

طبعا تعبت معايا جدااااااااااااااااااااا فى تحضير التركيبه لانى لما سألت هنا فى الكويت قالوا مافيش حد هنا بيعمل تركيبات ففضلت انا اروح الصيدليه اشترى الحاجات اللازمه للتركيه وارجع اسألها ساعات الاقى الصيدلى مدينى حاجات غلط او بدائل المهم انى الحمد لله بفضل الله ثم الدكتورة شروق نجحت فى عمل التركيبه وخلال ايام بسيطه جدا الحلمه اتحسنت والالم راح الحمد لله

دى التركيبه لو حد عاوزها

.ملحوظة:هذه التركيبة ابتكرها د جاك نيومان واتت بنتائجمبهرة.لالم الحلمة استعملى هذه التركيب(لا ينصح باستعمال اى دواء دونارشاد الطبيب):هذه هى التركيبة باللغةالانجليزية

• APNO (All Purpose Nipple Ointment) is a compounded ointment mixed from the following ingredients:
• Mupirocin 2% ointment (15 grams)
• Betamethasone 0.1% ointment (15 grams)
• To which is added miconazole powder so that the final concentration is 2% miconazole. This combination gives a total volume of just more than 30 grams. Clotrimazole powder (not as good as miconazole in our opinion, as it often causes irritation) or fluconazole powder to a final concentration of 2% may be substituted for miconazole powder if miconazole powder is unavailable, but both exist (the pharmacist may have to order it in, but many compounding pharmacies almost always have it on hand). Using powder gives a better concentration of antifungal agent (miconazole or clotrimazole) and the concentrations of the mupirocin and betamethasone remain higher

باللغةالعربيةاسمه المرهم المعد لجميعالاغراض1- ميوبيروسين2%مرهم(15جرام)مضاد حيوى(نزل حديثا فى السوق المصرى واسمهالتجارىmupirax(2-بيتاميثازون0.1% مرهم (15جرام)كورتيزون2- ويتم اضافة اليها بودرة ميكونازول(مضاد للفطريات الاسم التجارى ميكوناز) حتى يصل التركيز النهائى الى2% من الميكونازول.الحجم الكلى للتركيبة هو اكثر قليلامن 30 جم.كلوتريمازول (ليست فى مثل جودة ميكونازول بودرة لانه قد يسبب تهيجللجلد)او فلوكونازول بودرة ممكن ان يحل محل بودرة الميكونازول لو كانت غيرمتوفرة.واستعمال البودرة يحافظ على التركيزالصحيح.يوضع طبقة رقيقة جدا من المرهم بعد كل رضعة الا فى الرضعة التى قدتستعمل الام الجنتيانا الزرقاء(يتم شرح طريقتهالاحقا.طبقة رقيقة معناها ان الحلمة والهالة المحيطة تلمع ولكنك لا ترىالمرهم نفسه.لا تغسلى او تمسحى المرهم,حتى لو قال لك الصيدلىهذا)هذه التركيبة يمكن ان تستعمل لاى سبب لالم الحلمات وليس للالتهابالفطرى فقط.استعملى التركيبة حتى يختفى الالم ولعدة ايامبعدها.ثم قللى استعمالها تدريجيا حتى توقفيها(يعنى مثلا اليوم استعملتيها 7 مرات بكره 6 وهكذا)لو استعملتيها 3 او اربع ايام بدون اى تحسن فى الالماو احتجتى ان تستعمليهااكثر من اسبوعين او ثلاثة ,استشيرى طبيب ماهر لكن لا توقفىاستعمال التركيبة!!!!!!!!!!!!!!!(الافضل عدم استخدام اى بدائلفتاكدى من الصيدلى انه اعطاكى المكونات بالضبط)للحديث بقية لضيق وقتىالانوهناك علاجات اخرى فرجاء المتابعة للاهميةملحوظة:هذه المقال من باب الارشاد التعليمى ولا تغنى عن زيارةالطبيب

حقيقى انا مش عارفه اشكرها ازاى

لكن بقول لكل ام ياريت ماتستسهليش الصناعى وحاولى على اد ماتقدرى وبوجود الدكتورة شروق ان شاء الله مش هيبقى فيه اى مشاكل لأن مافيش اى شئ فى الدنيا اجمل من ضم طفلك لصدرك وارضاعه

جزاكى الله كل خير يادكتورة شروق وليكى بوسه كبيرة قوى من عبد الرحمن حقيقى كلنا ممتنين ليكى جدااااااااااا

اذا لم تستطيعى التطبيق ,زورى استشارية الرضاعة الطبيعية

المقال من باب المعلومات العامة و لا يغنى عن زيارة الطبيب.فاستشيرى طبيبك و طبيب طفلك فى كل ما يخصكما