ليه اتعالجتى من ألم الحلمات و لم يحدث الشفاء؟تم تحديثه-نصائح لعلاج ألم الحلمات

هذه مجموعة من النصائح للعلاج السليم لألم الحلمات

1- اصلاح وضع الرضاعة.عندما يكون وضع الرضاعة غلط فكل ما ترضع الطفل تتعور تانى لان الطفل ماسك غلط و الحل تعلم وضع رضاعة معين و هو وضع الرضاعة العميق مع استشارية الرضاعة اللى بيخلى الجرح يلتئم بسرعة.احيانا يحتاج الطفل عدة جلسات مع استشارية الرضاعة لتعلم الوضع السليم.

2- يجب أن تكون الملابس الداخلية قطنية(كل الغيار الداخلى الملامس للجسم) .عندما تكون الملابس الداخلية  من الياف صناعية و دى بيئة خصبة جدا لنمو الميكروبات. فيجب ان تكون قطنية و يتم غليها و الغليان لا يكفى  بل يجب ان تنقع فى خل و يجب ان تنشر فى الشمس فاذا لم تتوفر الشمس تكوى و كذلك ملابس الطفل.

3- ممنوووووووووووع استخدام حفاضات الثدىBreast pads  الا القطنية التى تغسل فهى  بيئة خصبة جدا لنمو الفطريات
4-يجب علاج فم الطفل حتى لو مش شايفة فطريات على لسان الطفل و ده تحت اشراف الطبيب و ايضا علاج التهاب الحفاض اللى ممكن جدا يكون فطرى.
5-علاج الالتهابات المهبلية عند الأم.لو الأم عندها التهابات مهبلية لم تعالج,ده بيخلى الميكروب لسه موجود فى الجسم.
6-نقع أدوات البيبى فى خل مع الماء.لو البيبى بيستعمل ببرونة او سكاتة و دى الفطريات بتلزق فيها و متتطلعش بالغليان.الافضل طبعا الام تبطلها بس لو مش قادرة تنقعهم فى ملعقة بخل مع كوب ماء و طبعا تشطفهم قبل ما تعطيهم للطفل.
7-بعض الحالات يكون الزوج مصدر للعدوى فيجب علاجه ايضا.

علاج الطفل والام والاب في نفس الفتره الزمنيه.احيانا يعالج الزوج حتى لو لم تظهر عليه اعراض.

8- يجب تشخيص اذا كان الاتهاب بكتيرى او فطرى.لو الام اخدت مضاد حيوى ممكن جدا يكون مش علاج
9-الام اخذت مضاد الفطريات  بجرعة غير كافية
10-هل الام مصابة بالسكر و لا تعرف؟هل تاخذ حبوب منع الحمل؟
11-يجب علاج الانيميا و رفع المناعة و تناول الخضروات و الفاكهة و يمكن تناول بعض المكملات الغذائية لرفع المناعة تحت اشراف الطبيب

12- يجب تغيير البرا و الملابس الداخلية وغسله يوميا و منطقه الثدي تفضل جافه. 13-علاج الطفل والام والاب في نفس الفتره الزمنيه.احيانا يعالج الزوج حتى لو لم تظهر عليه اعراض. 14- عند استعمال المضاد للفطريات المناسب,قد يزيد الألم أول أيام العلاج و ده طبيعى.

15-زيت جوز الهند بالفم له تأثير قوي جدا فى علاج الفطريات.استشيرى طبيبك

16- التطهير " يوميا" لكل واى شىء له صلة بثدى الام او فم ومؤخرة الطفل. ( زى حفاظات الثدى) 17-كمان الفوط لا يكون الاستخدام الا مرة واحدة وبعدها يتم غسلها بماء ساخن وتنشر فى الشمس . 18-استخدام الخل الابيض فى ماء الاستحمام وفى الغسالات يساعد في قتل الفطر. 19- تنشف كويس بعد الاستحمام بالطبطبة علشان الحلمه تبقي جافه بدون حك.

20-لبن الام يدهن على الحلمة ثم يترك ليجف.
21-فى حالة عدم الاستجابة للعلاج ,يتم منع السكر الابيض من الطعام و العسل.بعض الحالات لا يكفى منع السكر و يمنع ايضا القمح(الجلوتين).
الفاكهة المسموحة هى البرتقال و اليوسفى.

22- التوقف عن استعمال الكريمات الا ما وصف الطبيب لان كثرة الكريمات يسبب التهاب الجلد
23-ممنووووووووووع وضع كيس على الحلمة (البعض بتحطه علشان الكريمات لا تتمسح فى الهدوم)ده غلط و بيزود الميكروبات الا فى بعض الحالات فيوضع تحت اشراف الطبيب
24- مما يعجل بالشفاء ترك الحلمة معرضة للهواء لتجف بعد الرضاعة
25- استخدام وضع الرضاعة البيولوجى زى الصورة أثبت نجاح مذهل فى هذه الحالات.

26-غسل اليدين باتقان يساعد على سرعة التخلص من الميكروبات

27-بعض الحالات يفيد فيها شطف الحلمة بماء فيه خل (ملعقة خل على كوب الماء)ثم تجفيفها بمنديل ورقى بطريقة الطبطبة.استشيرى طبيبك.
المقال بالاشتراك مع د دينا عبد الهادى الاستشارى الدولى فى الرضاعة الطبيعية
كل ده تحت اشراف الطبيب مع اطيب التمنيات بالصحة و العافية
المقال من باب المعلومات العامة و لا يغنى عن زيارة الطبيب
استشيرى طبيبك و طبيب طفلك فى كل ما يخصكما.