تجربة ناجحة فى تبطيل الببرونة
حابه احكي حكايتي مع الرضاغه علشان نستفيد من تجارب بعض
ولدت بنتي في مستشفي كويسه جدا مشجعه علي الرضاعه الطبيعيه بس انا للاسف مكنتش فاهمه حاجه عن الرضاعه واما جم يشرحولي لقيت في صعوبه في التطبيق رغم حرصهم الشديد اني اتعلم
كنت تعبانه ومش قادره اتحرك وخايفه علي بنتي لاني كنت عاوزه اطمن انها شبعانه ومبتشتكيش من حاجه
كانوا يجيبوهالي ارضعها كنت ارضعها واناديهم يخدوها لانها طول ماهي في الاوضه حاسه اني مش هقدر اعملها حاجه لاني مش قادره اتحرك
المهم روحت ومكنش عندي مشكله في الرضاعه
بدات المشكله اني خسيت وفرحت بنفسي وانشغلت مع بنتي لدرجه اني مكنتش باكل ولا بشرب كفايه وطبعا اللبن قل روحت اتابع مع دكتور اطفال قالي لازم ندخل لبن صناعي علشان تزيد بس طلب مني ازود لبني واساعدها برضعه واحده باليل خرجت من عنده وانا بعيط لان نفسي مدخلش لبن صناعي وحسيت اني خذلت بنتي ومش عارفه اديها ابسط حقوقها واني مش عارفه اهتم بيها
بدات اديها الرضعه بتاعت باليل وده كان في شهرها التاني ورجعتله قالي كويس جدا وزنها زاد في الفتره دي كويس وقالي لو حاسه انها مش شبعانه اعرضي عليها بعد كل رضعه رضعه صناعي هتاخد اللي تاخده كده تبقي شبعت
زعلت اكتر و اديتها صناعي ومن نفسي بدات اقلل الصناعي في الشهر التالت ولبني مكنش كفايه ودي غلطه كبيره
كان رد الفعل ان بنتي زادت في الشهر ده قليل وزعلت جدا عليها
بدات اديها الصناعي بعد كل رضعه وكنت بديهالها وانا حزينه وحزنت اكتر انها بدات ترفضي ومش عاوزاني بقيت ارضعها طبيعي وهي نايمه بس واسيبها تلعب لحد لما تنام وارضعها طبيعي واكمل بصناعي وده كان الشهر الرابع
لحد ماروحت لدكتوره شروق في العيادة وسمعت كلمها اازاي ازود لبني بالرضاعة الكتير و التعصير و الاكل الصحى
وكانت اكتر حاجه ساعديتني الحلبه المطحونه لاني بكره المشروبات السخنه فبقيت بحط الحلبه المطحونه احط شويه علي زبادي بالشوفان وعسل ابيض طعمهم حلو اوي وسريع جدا في التحضير بحط كله علي بعضه والشوفان رائع للرضاعه او ساعات كنت بحط عسل اسود علي الحلبه وبقيت بشرب مياه كتير وبدات اشفط يدوي تعصير يعني كنت بعد اما ارضع بنتي كنت بجيب بس 10 مل بس
بس اللبن بدا يزيد وبقيت احاول بالسرنجه للاسف رفضت وحاولت بالرايل وفشلت
بس بقيت ادعي ربنا كتير واعيط انها تقبلني وتكون الرضاعه عندها افضل من الببرونه
بارشادات دكتوره شروق الحمد لله نجحت
و تابعت مع د شروق كذا زيارة و كل مرة كنا نتاكد ان وضع الرضاعة صح
بصراحه كانت معايا خطوه خطوه وعمرها متاخرت عني وعن بنتي وعلمتني الرضاعه بالوضع الصحيح لاني كنت برضع غلط فبقيت اتحايل واحط لبني اللي عصرته في الببرونه شويه واسحبها واعرض نفسي عليها ساعات ترفض وساعات تقبل وكانت احيانا وهي ترضع بالببرونه تنام اسحبها واكمل انا رضاعه من صدري تصحي تلاقيني انا اللي برضعها مره في مره خلاص مبقتش ترفضني ولبني زاد
كنت بحاول ان في اليوم اعصر 3 مرات علي الأقل
وبدات اقلل بالتدريج اللبن الصناعي وبدات بفضل الله تزيد كويس وبعد ماكنت بشفط واجيب 10 بس بفضل الله وصلت مره لفوق 200 وبدات ادخلها اكل و في الشهر الخامس اشتريتلها كوبايه بلاستيك وبترضع من مكان الشرب سيليكون ووريتها لدكتوره شروق الاول انها مش هتعمل التباس حلمات لاني كنت خايفه اوي وانا بديها الكوباية يرجعلها الاتباس تاني ف د شروق اكدتلي انها مش هتعمل
استغنيت عن الببرونه تماما وبقيت بديها لبني في الكوبايه ورجعت بنتي لحضني تاني
وده كرم ربنا عليا
بنتي رجعت لحضني تاني
احساس رائع اختصارا عاوزه تنجحي في ارضاع طفلك اولا تدعي ربنا كتير ويبقي عندك يقين ان ربنا هيبعت لطفلك رزقه تاني
حاجه دكتوره شاطره في الرضاعه الطبيعيه وتسمعي كلامها بالحرف وتابعي معاها خطوه بخطوه
تالت حاجه الاكل الصحي والمدرات رابع حاجه التشفيط التشفيط التشفيط التشفيط
خامسا كتاب دكتوره شروق ساعدنى لاني طول ما انا بشفط كنت بقراه فادني كتييييييييير وثبتلي المعلومه
واخيرا واهم شئ ارجوكي بلاش ببرونه كل ماكان الطفل صغير كل ما كان سهل تدي بالسرنجه او بالرايل لان الببرونه بتعمل التباس حلمات واحساس وحش اوي ان طفلك مع الببرونه مبسوط ومعاكي بيعيط
كل ام حامل تخلي هدفها الاول الرضاعة الطبيعيه وتقرا كويس عن الرضاعه وتستعين باستشاريه رضاعه
اي ام لسه والده متخافيش امشي علي التعليمات وهتقدري ترضعي كويس .
اي ام لجات للصناعي في الببرونه استعيني بالله وقولي لنفسك كتير نجحوا ان شاء الله انجح زيهم وهرضع يعني هرضع
اناعلشان بنتى اتعب شوية علشان ارتاح و افرح كتيييييير
حابه احكي حكايتي مع الرضاغه علشان نستفيد من تجارب بعض
ولدت بنتي في مستشفي كويسه جدا مشجعه علي الرضاعه الطبيعيه بس انا للاسف مكنتش فاهمه حاجه عن الرضاعه واما جم يشرحولي لقيت في صعوبه في التطبيق رغم حرصهم الشديد اني اتعلم
كنت تعبانه ومش قادره اتحرك وخايفه علي بنتي لاني كنت عاوزه اطمن انها شبعانه ومبتشتكيش من حاجه
كانوا يجيبوهالي ارضعها كنت ارضعها واناديهم يخدوها لانها طول ماهي في الاوضه حاسه اني مش هقدر اعملها حاجه لاني مش قادره اتحرك
المهم روحت ومكنش عندي مشكله في الرضاعه
بدات المشكله اني خسيت وفرحت بنفسي وانشغلت مع بنتي لدرجه اني مكنتش باكل ولا بشرب كفايه وطبعا اللبن قل روحت اتابع مع دكتور اطفال قالي لازم ندخل لبن صناعي علشان تزيد بس طلب مني ازود لبني واساعدها برضعه واحده باليل خرجت من عنده وانا بعيط لان نفسي مدخلش لبن صناعي وحسيت اني خذلت بنتي ومش عارفه اديها ابسط حقوقها واني مش عارفه اهتم بيها
بدات اديها الرضعه بتاعت باليل وده كان في شهرها التاني ورجعتله قالي كويس جدا وزنها زاد في الفتره دي كويس وقالي لو حاسه انها مش شبعانه اعرضي عليها بعد كل رضعه رضعه صناعي هتاخد اللي تاخده كده تبقي شبعت
زعلت اكتر و اديتها صناعي ومن نفسي بدات اقلل الصناعي في الشهر التالت ولبني مكنش كفايه ودي غلطه كبيره
كان رد الفعل ان بنتي زادت في الشهر ده قليل وزعلت جدا عليها
بدات اديها الصناعي بعد كل رضعه وكنت بديهالها وانا حزينه وحزنت اكتر انها بدات ترفضي ومش عاوزاني بقيت ارضعها طبيعي وهي نايمه بس واسيبها تلعب لحد لما تنام وارضعها طبيعي واكمل بصناعي وده كان الشهر الرابع
لحد ماروحت لدكتوره شروق في العيادة وسمعت كلمها اازاي ازود لبني بالرضاعة الكتير و التعصير و الاكل الصحى
وكانت اكتر حاجه ساعديتني الحلبه المطحونه لاني بكره المشروبات السخنه فبقيت بحط الحلبه المطحونه احط شويه علي زبادي بالشوفان وعسل ابيض طعمهم حلو اوي وسريع جدا في التحضير بحط كله علي بعضه والشوفان رائع للرضاعه او ساعات كنت بحط عسل اسود علي الحلبه وبقيت بشرب مياه كتير وبدات اشفط يدوي تعصير يعني كنت بعد اما ارضع بنتي كنت بجيب بس 10 مل بس
بس اللبن بدا يزيد وبقيت احاول بالسرنجه للاسف رفضت وحاولت بالرايل وفشلت
بس بقيت ادعي ربنا كتير واعيط انها تقبلني وتكون الرضاعه عندها افضل من الببرونه
بارشادات دكتوره شروق الحمد لله نجحت
و تابعت مع د شروق كذا زيارة و كل مرة كنا نتاكد ان وضع الرضاعة صح
بصراحه كانت معايا خطوه خطوه وعمرها متاخرت عني وعن بنتي وعلمتني الرضاعه بالوضع الصحيح لاني كنت برضع غلط فبقيت اتحايل واحط لبني اللي عصرته في الببرونه شويه واسحبها واعرض نفسي عليها ساعات ترفض وساعات تقبل وكانت احيانا وهي ترضع بالببرونه تنام اسحبها واكمل انا رضاعه من صدري تصحي تلاقيني انا اللي برضعها مره في مره خلاص مبقتش ترفضني ولبني زاد
كنت بحاول ان في اليوم اعصر 3 مرات علي الأقل
وبدات اقلل بالتدريج اللبن الصناعي وبدات بفضل الله تزيد كويس وبعد ماكنت بشفط واجيب 10 بس بفضل الله وصلت مره لفوق 200 وبدات ادخلها اكل و في الشهر الخامس اشتريتلها كوبايه بلاستيك وبترضع من مكان الشرب سيليكون ووريتها لدكتوره شروق الاول انها مش هتعمل التباس حلمات لاني كنت خايفه اوي وانا بديها الكوباية يرجعلها الاتباس تاني ف د شروق اكدتلي انها مش هتعمل
استغنيت عن الببرونه تماما وبقيت بديها لبني في الكوبايه ورجعت بنتي لحضني تاني
وده كرم ربنا عليا
بنتي رجعت لحضني تاني
احساس رائع اختصارا عاوزه تنجحي في ارضاع طفلك اولا تدعي ربنا كتير ويبقي عندك يقين ان ربنا هيبعت لطفلك رزقه تاني
حاجه دكتوره شاطره في الرضاعه الطبيعيه وتسمعي كلامها بالحرف وتابعي معاها خطوه بخطوه
تالت حاجه الاكل الصحي والمدرات رابع حاجه التشفيط التشفيط التشفيط التشفيط
خامسا كتاب دكتوره شروق ساعدنى لاني طول ما انا بشفط كنت بقراه فادني كتييييييييير وثبتلي المعلومه
واخيرا واهم شئ ارجوكي بلاش ببرونه كل ماكان الطفل صغير كل ما كان سهل تدي بالسرنجه او بالرايل لان الببرونه بتعمل التباس حلمات واحساس وحش اوي ان طفلك مع الببرونه مبسوط ومعاكي بيعيط
كل ام حامل تخلي هدفها الاول الرضاعة الطبيعيه وتقرا كويس عن الرضاعه وتستعين باستشاريه رضاعه
اي ام لسه والده متخافيش امشي علي التعليمات وهتقدري ترضعي كويس .
اي ام لجات للصناعي في الببرونه استعيني بالله وقولي لنفسك كتير نجحوا ان شاء الله انجح زيهم وهرضع يعني هرضع
اناعلشان بنتى اتعب شوية علشان ارتاح و افرح كتيييييير
توكلي علي الله وخدي بالاسباب ويقينا هتعرفي ترضعي ان شاء الله
استشيرى طبيب طفلك فى كل ما يخصه
هذه المقالة من باب المعلومات العامة و لا تغنى عن زيارة الطبيب
تعليقات
إرسال تعليق