رضاعة بدون الم بعد شهر من العذااااااااااااااااااااب بعد زيارة استشارية الرضاعة الطبيعية

انا بحكى قصتى عشان ماينفعش نستحمل كل الالم ده ونكره الرضاعه ونحرم ولادنا من حاجه عظيمه زى دى ومنجربش اى حاجه مننا لنفسنا لان للاسف الموضوع بيزيد سوء ودلوقتى مافيش اسهل من الوصول لدكاتره الرضاعه سواء كان بالتليفون او زيارات.

شهرين من العذاب شهر كنت فيه حقل تجارب وبدون اى تحسن بالعكس الالم كان بيزيد  و لما كشفت عند د شروق اخدت العلاج الصحيح و اتعلمت وضع الرضاعة الصح واللى اتحسنت عليه انا ولدت 17يوليو و17 سبتمبر كان اول يوم ارضع فيه ابنى بدون الم وعياط .

كنت فرحانه بالانجاز ده وفرحانه بنفسي انى مستجبتش لنفسى ولا الناس اللى نصحتى ولو برضعه واحده صناعى عشان حتى استريح شويه ولا مره اديتوا اعشاب ولا بيبى درينك ولا اى حاجه حتى التاتينه وقفتها لحد مايتعود ونخف احنا الاتنين والحمد لله .

ده من كرم ربنا عليا  والحمد لله ان ربنا اكرمنى و شفانى.

المقال من باب المعلومات العامة و لا يغنى عن زيارة الطبيب.فاستشيرى طبيبك و طبيب طفلك فى كل ما يخصكما