سلام عليكم ورحمة الله وبركاته
حبيت أشارككم تجربتي مع الرضاعة الطبيعية
و انا حامل كنت في سنة البكالوريوس في الكلية ومشغولة جدا ﻷنها كلية عملية وما قرأتش أي حاجة عن الرضاعة للأسف ،حتى الوقت الفاضي كنت بدور على مستلزمات البيبي و الولادة وبس.
.الحمد لله ولدت ابني وحاولت أخليه يمسك صدري بعد الولادة علطول بس ما كانش فيه لبن (بمعنى أصح ما شفتش لبن ) وفضل 3 أيام يآخد بيبي درنك و جلوكوز بالسرنجة لغاية اليوم التالت رحنا بيه لدكتور اﻷطفال كتب له على لبن صناعي
و قال لو اللبن نزل بلاش تخليه يمسك صدرك 3 أو 4 أيام علشان كان عنده صفرا متعلقة بفصيلة دمي والرضاعة هتزودها _على حد قوله_
وفات أسبوع من غير رضاعة وكنت بحاول اخليه يرضع كل شوية بس مفيش فايدة ماكانش بيقعد أكتر من دقيقتين ويعيط ولو طول شوية بينام و يرجع يصحى علطول المهم الحمد لله مسك صدري يومين وقدر ربنا اني يجيلي تشققات في الحلمات وماكنتش بقدر احطه في بؤه. .
وجاله برد وما كانش بيقدر يرضع ورفض صدري تماما وفضل كدة فترة طويلة كان بيآخد فيها لبن صناعي بس و بكمية كبيرة (بيستطعمه وأنا كان لما يعيط أفتكر ده جوع وأديله علطول ) بس كان نفسي أرضعه طبيعي؛فدخلت على النت وقرأت عن الرضاعة وعن تجارب الأمهات الناجحة في إعادة الإرضاع وقرأت مقالات دكتورة شروق الهيتمي و لقيت رقم العيادة على النت وفرحت جدا انها في اسكندرية ورحتلها الحمد لله.
.جزاها الله خيرا سمعت مني و نصحتني اني أوقف الببرونة واستبدلها بالكوب أو القطارة أو جهاز الإرضاع المكمل (الرايل)و
اني استخدم طريقة الجلد للجلد (دي لوحدها قصة)بجد طريقة ما حصلتش زي السحر ما شاء الله بتحنن البيبي جدا جدا جدا وبتحسس الأم كمان بحنان مش بس هي بتديه لطفلها ﻷ دي كمان بتآخده منه وكلنا في الفترة دي بنكون حساسين ومحتاجين نحس بالحنان دة (دي أكتر حاجة فرقت معايا نفسيا )
والدكتورة صححت لي وضع الرضاعة اللي كان خاطيء ولله الفضل والمنة بمجرد تصحيح وضع الرضاعة واستخدام طريقة الجلد للجلد(اكتشاااف) رجع الولد يرضع تاني ﻷ وكمان يلزق فيا طول النهار عايز يفضل على صدري حتى لو مش بيرضع عايز ينام على صدري (مش ثدي) و دا ما كانش بيحصل قبل استخدام الجلد للجلد ،طبعا اللبن كان قليل فكان بيفضل جعان برضه برغم وقت الرضاعة الطويييييل فالدكتورة جزاها الله خيرا ادتني النظام الغذائي لزيادة ادرار اللبن الموجود في البوست المثبت ومشيت عليه و حسيت بفرق كبير الحمد لله وعلمتني طريقة الbreast compression
و بقى بيشبع أحيانا بدون صناعي وأحيانا بكمله بيه (ﻷنه اتعود على الكميات الكبيرة ) ومع الوقت والإستمرار على النظام الغذائي و تعصير الثدي الرضعات الطبيعي بقت أكتر من الرضعات الصناعي ولاحظت زيادة في كمية اللبن ماشاء الله. .وان شاء الله هوقف الصناعي تماما من النهاردة زي كلام الدكتورة ويا رب اقدر اكمل معاه رضاعة طبيعية بس وتكون صحته كويسة وزيادته طبيعية . وبجد بنصح أي أم أنها لا تيأس ويكون أملها في الله وتدعي كتييييير وتروح لمتخصص علشان تلاقي الكلام المظبوط "واسألوا أهل الذكر إن كنتم لا تعلمون " وتحاول وتصبر وتصبر وتصبر و بجد كفاية عليها تشوف العيون الصغيرة بتبص عليها هي بس طول فترة الرضاعة. .الحمد لله على نعمته وشكرا جدا جدا جدا دكتورة شروق الهيتمي ربنا يبارك في علمك وينفع بيكي ويرزقك الجنة. .أسألكم الدعاء بنجاح التجربة وإن ربنا يهدي ابني "البراء " وينبته نباتا حسنا ويجعله من الصالحين.
حبيت أشارككم تجربتي مع الرضاعة الطبيعية
و انا حامل كنت في سنة البكالوريوس في الكلية ومشغولة جدا ﻷنها كلية عملية وما قرأتش أي حاجة عن الرضاعة للأسف ،حتى الوقت الفاضي كنت بدور على مستلزمات البيبي و الولادة وبس.
.الحمد لله ولدت ابني وحاولت أخليه يمسك صدري بعد الولادة علطول بس ما كانش فيه لبن (بمعنى أصح ما شفتش لبن ) وفضل 3 أيام يآخد بيبي درنك و جلوكوز بالسرنجة لغاية اليوم التالت رحنا بيه لدكتور اﻷطفال كتب له على لبن صناعي
و قال لو اللبن نزل بلاش تخليه يمسك صدرك 3 أو 4 أيام علشان كان عنده صفرا متعلقة بفصيلة دمي والرضاعة هتزودها _على حد قوله_
وفات أسبوع من غير رضاعة وكنت بحاول اخليه يرضع كل شوية بس مفيش فايدة ماكانش بيقعد أكتر من دقيقتين ويعيط ولو طول شوية بينام و يرجع يصحى علطول المهم الحمد لله مسك صدري يومين وقدر ربنا اني يجيلي تشققات في الحلمات وماكنتش بقدر احطه في بؤه. .
وجاله برد وما كانش بيقدر يرضع ورفض صدري تماما وفضل كدة فترة طويلة كان بيآخد فيها لبن صناعي بس و بكمية كبيرة (بيستطعمه وأنا كان لما يعيط أفتكر ده جوع وأديله علطول ) بس كان نفسي أرضعه طبيعي؛فدخلت على النت وقرأت عن الرضاعة وعن تجارب الأمهات الناجحة في إعادة الإرضاع وقرأت مقالات دكتورة شروق الهيتمي و لقيت رقم العيادة على النت وفرحت جدا انها في اسكندرية ورحتلها الحمد لله.
.جزاها الله خيرا سمعت مني و نصحتني اني أوقف الببرونة واستبدلها بالكوب أو القطارة أو جهاز الإرضاع المكمل (الرايل)و
اني استخدم طريقة الجلد للجلد (دي لوحدها قصة)بجد طريقة ما حصلتش زي السحر ما شاء الله بتحنن البيبي جدا جدا جدا وبتحسس الأم كمان بحنان مش بس هي بتديه لطفلها ﻷ دي كمان بتآخده منه وكلنا في الفترة دي بنكون حساسين ومحتاجين نحس بالحنان دة (دي أكتر حاجة فرقت معايا نفسيا )
والدكتورة صححت لي وضع الرضاعة اللي كان خاطيء ولله الفضل والمنة بمجرد تصحيح وضع الرضاعة واستخدام طريقة الجلد للجلد(اكتشاااف) رجع الولد يرضع تاني ﻷ وكمان يلزق فيا طول النهار عايز يفضل على صدري حتى لو مش بيرضع عايز ينام على صدري (مش ثدي) و دا ما كانش بيحصل قبل استخدام الجلد للجلد ،طبعا اللبن كان قليل فكان بيفضل جعان برضه برغم وقت الرضاعة الطويييييل فالدكتورة جزاها الله خيرا ادتني النظام الغذائي لزيادة ادرار اللبن الموجود في البوست المثبت ومشيت عليه و حسيت بفرق كبير الحمد لله وعلمتني طريقة الbreast compression
و بقى بيشبع أحيانا بدون صناعي وأحيانا بكمله بيه (ﻷنه اتعود على الكميات الكبيرة ) ومع الوقت والإستمرار على النظام الغذائي و تعصير الثدي الرضعات الطبيعي بقت أكتر من الرضعات الصناعي ولاحظت زيادة في كمية اللبن ماشاء الله. .وان شاء الله هوقف الصناعي تماما من النهاردة زي كلام الدكتورة ويا رب اقدر اكمل معاه رضاعة طبيعية بس وتكون صحته كويسة وزيادته طبيعية . وبجد بنصح أي أم أنها لا تيأس ويكون أملها في الله وتدعي كتييييير وتروح لمتخصص علشان تلاقي الكلام المظبوط "واسألوا أهل الذكر إن كنتم لا تعلمون " وتحاول وتصبر وتصبر وتصبر و بجد كفاية عليها تشوف العيون الصغيرة بتبص عليها هي بس طول فترة الرضاعة. .الحمد لله على نعمته وشكرا جدا جدا جدا دكتورة شروق الهيتمي ربنا يبارك في علمك وينفع بيكي ويرزقك الجنة. .أسألكم الدعاء بنجاح التجربة وإن ربنا يهدي ابني "البراء " وينبته نباتا حسنا ويجعله من الصالحين.
تعليقات
إرسال تعليق