تربية و تغذية بدائل صحية

النهارده كان في حادثه في الطريق اخرتني ساعه عن شغلي
فبتالي خلصت ساعه متاخر
روحت خلصانه ومش قادره اعمل وجبه صحيه للولاد وامبارح كمان كان في ظروف وملحقتش
فجاه حصلت اللي كنت متوقعاه شعور بالحزن والندم الشديد
افكار كلها ليه كده ليه عملتي في ولادك كده
وقررت اوقف كل الاصوات اللي جوه دماغي اللي بتقولي اني ام مقصره
وقمت عملت طبق fruit salad وقلت مش لازم وجبه علي الاقل في طبق صحي اسندهم بيه

مش قادره اقولك رغم انه اخد ٥ دقايق لكن بسببه هديت جدا وهكمل اليوم وانا حاسه اني relax مفيش حاجه جوايا متضايقه

الامومه معجزه في التضحيه بنحس اننا عايزيين نقدم لولادنا كل اللي عندنا مهما كانت الظروف لو بعرف اطبخ ببقي عايزه اطبخ كل يوم لو بعرف انظم ببقي عايزاهم منظمين زي انفاق من كل ما تملكي من غير حدود وطول الوقت ومهما اديناهم هيجيلنا احيانا احساس اننا معملناش اللي علينا

بلاش الشعور بالتقصير اللي ربنا خلقه جوانا عشان ننتبه ان في اكتر نعمله يتحول لرساله سلبيه اننا عمرنا ما عملنا

لما تحسي بكده قولي لنفسك ايه ده شكل في اكتر اعمله🤣🤣
بس اوعي تقوليلها انت عمرك ما عملتي😑 متقولليهاش كلام سلبي يحسسها انك مش مقدراها😐😐 ومش مؤمنه بيها وشايفه عطائها ❤

وشجعيها تعمل اي حاجه ولو بسيطه عشان ترجع تصدق في نفسها تاني وترتاح وتريح اللي حوالليها بدل ما تضغط وتضغط اللي حوالليها

احسنوا لنفسكم بفعل اي شئ للمستقبل بدل ما تسيئوا ليها بجلدها علي الماضي

وافرحي بمشاعر التقصير واشكريها انها نبهتك انك لسه مهمه وفي اكتر تعمليه

عارفه ليه حسيتي بالتقصير عشان انت الوحيده اللي مسئوله وانت اهم وحدها في الحياه ليهم ومعجزتك مش في اللي بتعمليه عشانهم معجزتك في وجودك نفسه ان في انسان اسمه الام موجود في حياه ولاده عشان من غير ما يطلبوا يحس باحتياجاتهم ويتوجع وميرتحش غير لما يطمن انه شبعهم

دام عطائك معجزه فطريه
دمتي مؤثره
#ويبقي_الاثر