بنتى كانت متعلقة بالرضاعه تعلق شديد جدا
ومكنش بيعدي ولا ساعة من غير رضاعه
عمرى ما شفت طفلة فى سنها بالمنظر ده
انا كنت هفطمها عند سنة و نص
تراجعت عن الفكرة خالص
انا نجحت وقدرت اخلي الرضاعه ليلية فقط
بدون ما ااذي نفسيتها في اي شئ
بس جينا بعد اربع ايام لقيتها بالليل مطلبتش مني نرضع
انا حسيت بغيرة رهيبة
وخوف وزعل وتقصير وكمية احاسيس وحشة جدا
قعدت اتحايل عليها ترضعوصحيت تاني يوم رضعتها بالنهار
وقلت هاجل الفكرة تماما
الفطام دا احساس وحش اوي
هي متاثرتش
انا اللي حزنت وحسيت هفقد حاجة غالية جدا عندي
فرجعت في كلامي تماما
انا ظنيت اني مستعدة
لانها سنة ونص
وقريت مقالات حضرتك
وتجارب الامهات
جمعت اصناف وجبات جديدة كتيييير وعصاير وكبايات جديدة واطباق جديدة
وحطيت جدول نشاط
وكل يوم خروجة
ولما بتطلب بقولها لما ننام
مش دلوقتي
اول يومين كانت بتطلب كتير
وتالت يوم بقت تطلب تخرج او تروح لو
لجدتها او لجدو
بعد حوالي خمس ايام مبقاش في طلب بالنهار خالص
: ولقيت ساعة النوم راحت طلعت لوحدها عالسرير حتي من غير عياط
ونامت
حسيت اني وحشة جدااا وانها خلاص كدا رفضتني
لا هيبقي نهار ولا ليل
وقعدت اقول لنفسي هندم وهقول يارتني صبرت
خصوصا ان لسه في لبن كتير الحمدلله
صحتها من النوم ورضعتها وتاتي يوم رضعتها كذا مرة بالنهار
انا كنت مفكرة اني هعاني وهتعب وهي هتفضل تصرخ والمنع هيكون بالقوة لانها مش هتقبل اني افطمها
بس الحمدلله كان في استجابة
فيه حاجة تانية مسمعتش حد حكي عنها قبل كدا
مشاعر الام ساعة الفطام
مش قادرة اوصف لحضرتك انا كنت حزينة جدا ازاي وحسيت اني هيجيلي اكتئاب
مع اني كنت حريصة اوووووي اني مجرحش مشاعرها
بفضل الله هي معيطتش ولا مرة
وولا مرة اتعصبت او اخدت بالها اصلا اني قاصدة امنعها
بس اول لما لقتها نامت من غيري لوحدها
قلبي وجعني جدا وحسيت دنيتي اسودت واني وحشة اوي وانها وحشاني جدا
وزعلت خالص
انا كنت متصورة اني هعمل فرح لما بنتى تنام لوحدها ومتزعجنيش طول الليل بسبب الرضاعه
زي مكون مكنتش حاسة بالنعمة
دلوقتي بصحي كل ساعة بالليل بمنتهي طيب الخاطر والحب
وببوسها واحضنها اكتر
انا بحكى القصة دى علشان الامهات علشان الامهات اللي بيبقوا خايفين وشايفين الامر مستحيل وصعب انه يتم بالراحة وباللعب يصدقوا انه ينفع
تعليقات
إرسال تعليق