انا اول ولاده ليا كانت صعبه شويه كنت
بولد طبيعي عادي وفيه طلق الدكتوره غلطت وادتني طلق صناعي حصل انفجار ف الرحم
ونزيف وعمليات
حالتي الصحيه بعدها كانت وحشه جدا اني اقدر ارضع
طبيعي بس صممت اني مش هستسلم لكلام حد وهرضع طبيعي
بس ابني كان مولود بالشفه الارنبيه عيب
خلقي حاولت معاه كتير لحد ماقدرت ارضعه طبيعي بس بعدها باسبوع كان لازم يتجز ف
الحضانه عنده صفرا
قلت لازم اروح افضل معاه وارضعه طبيعي
رغم حالتي الصحيه المستشفي كانت رافضه بس بمشادات كتير معاهم وان ازاي يبقي فيه
رضاعه طبيعي وتسبوه يرضع صناعي
قعدت ف غرفه جمب الحضانه وف معاد الرضاعه اروح
ارضعه واتحسن اسرع بفضل الله
بعدها بحوالي 20 يوم حصل التهابات ف حلمه الثدي
وكان بينزل دم مع الحليب كلمت دكتور كتبلي علي كريمات
واليوم ده وقفت الرضاعه ورضع صناعي الولد
انتفاخات ووجع ف بطنه وصريخ طول اليوم
الدكتور قالي اغير وضع الرضاعه عشان
اكون مرتاحه والولد يرضع وبفضل الله رجع رضع كويس وانا كمان اتحسنت بعد 4 شهور كان
لازم يعمل العمليه الشفه الارنبيه ومينفعش يرضع عشان الخياطه هتفك جبت شفاط
وبقيت ارضعه بالسرنجه فتره لحد ماتحسن بس كان
رافض تماما ياخد صدري تاني بمحاولات كتير وفضل وجود ماما اللي حاولت معاه باكتر من
وضع للرضاعه معايا وتشجيعي بعد ماكنت قررت يرضع صناعي خلاص
الحمد لله رجع تاني يرضع
اللي عايزه اقوله اننا لازم نصبر مهما
كانت الظروف علي الاطفال دي انهم يستحقوا نديهم افضل ماعندنا وده رزق من ربنا مهما
كانت ظروف اي ام تصبر وتتحمل عشانهم يستاهلوا نتعب عشانهم شويه
تعليقات
إرسال تعليق