تجربة ناجحة فى استشارة اونلاين الدعم النفسى فى تغذية الحامل و الطفل
المكالمة بدات ب دكتورة شروق الحقينى انا حامل وعندى طفله عندها سنه وعايزنى افطمها اعمل ايه واتصرف ازاى
بمنتهى الهدوء الدكتور بتسالنى ليه مشاكل صحيه
انا: لا خالص دكتورة النسا بتقول كده احسن ليا والبنت وانا مش مقتنعه نهائى
بنتك بتاكل ايه ؟
مش بتاكل
بصراحه المشكله عندى انا كسلانه وهمدانه ومش قادرة اعمل حاجه .
معلش علشان انتى حامل اعذرى نفسك
وكلام تانى كله ايجابية يفتح النفس ع الحياة.
وبهدوء تانى الدكتور بتدينى نصايح تتلخص فى كام نقطه كتبتهم وراها كلها حاجات بسيطه وسهله ومش محتاجه وقت ولا مجهود خالص.
بعد ماقفلت معاها قومت جبت زبادى من التلاجه وكلت واكلت بنتى وانا مرتاحه جدا
و قالت لى عندك واجب
جيت تانى يوم اعمل الواجب حسيت بالفشل تانى
الحقينى يادكتور انا فاشله
الدكتور بمنتهى الصبر نتكلم ونشوف سبب الكلام السلبي ده
ونتكلم وتطمنى تانى ونصايح تانيه بسيطه وسهله تخلى الحياة حلوة.
انا طلعت من تجربتى مع الدكتورة بانى ام هايله وبقيت بعمل اكلات جديدة ومغذيه وسهله ومش بتاخد وقت ولا مجهود
بنتى بقت بتنام بالليل بقت بتشبع سبحان الله بقت بتاكل وانا بقيت اهدى ومرتاحه البال بفضل الله
الاستشارة الاونلاين عند الدكتور مش اسبوع زى باقى الدكاترة لا شهر شهر كامل من النصايح والدعم النفسى والمعنوى والكلام الجميل
شهر من انا معاكى ومش هسيبك الا لما تقولى انا تمام شهر من المتعه بجد
شكرا لحضرتك وربنا ينفع بيكى ويجعله ف ميزان حسناتك
تعليقات
إرسال تعليق