تجربة ناجحة فى الاستشارات الاون لاين فى علاج تحويش الاكل فى الفم
الام بعتتلى.
بنتى عندها سنتين و بقالى سنة بعانى و كل يوم الوضع بيسوء بتحوش الاكل فى فمها بالساعة و الساعتين
حد ما تريل و تتفه و تشرق
و كذا مرة كانت روحها هتطلع
لحد من كم يوم ما نفسها راح و ازرقت و كانت هتروح منى .
انا انهرت فى العياط طول اليوم
و فكرت لازم الاقى حل
جربت كل حاجة
مسايسة و تحفيز و عقاب و نوتى كورنر و ضرب
و مفيش حاجة نافعة
قلتلها اتفضلى نتكلم
و اخدت استشارة اون لاين
اكتشفنا ان عمرها ما بتحوش الاكل الا لما بتاخده غصب
و اكتشفنا ان المشكلة مش الوزن
المشكلة انها معترضة على الغصب و عايزة تمسك بايدها
جت المشكلة التانية
الام بالنسبة لها ان الاكل يترمى دى لا تحتمله نفسيا
قتلها حطى قطعة فراخ واحدة فقط اصغر من الصباع فى الطبق
لما تخلصها حطى غيرها
و اتحلت المشكلة الحمد لله
و الام ارتاحت نفسيا
و بطلنا الغصب
تعليقات
إرسال تعليق