السلام عليكم ورحمة الله وبركاته
اولا احب اشكر دكتورة شروق علي وقفتها معايا و اهتمامها لوقت طويل جدا انا توقعت انها هتنسانا بعد الاستشارت الاونلاين لكن هي فضلت تسأل علينا لحد ما الحال اتصلح الحمد لله 
ثانيا هكتبلكم تجربتي يارب حد يستفيد
ادم ابني ٧ سنين كان رافض تماما انه ياكل اي بروتينات لا لحمه ولا فراخ ولا سمك و وزنه زاد بسبب اعتماده علي النشويات في الاكل
بعد ما تواصلت مع دكتورة شروق لفتت انتباهي لحاجه مكانتش في دماغي ابدا ان ادم عنده مشكله مع تيكيت الهدوم علي رقبته و مش بيسمح لحد انه يحضنه انا كنت شايفه حجات كتير عادي بس هي نبهتني انه لا مش عادي
و وجهتني انه معذور و ده غصب عنه
و ان ده له علاج ووجهتنى لطريقة العلاج و لجلسات خاصة بده
بطلنا الغصب على الاكل و بقيت اهمله تماما
طبعا كل ده بجانب الاهتمام بتنظيم الاكل علي اد ما اقدر بتوجيهات دكتورة شروق بردو
قررنا اننا نشتركله في رياضه
و فعلا نتيجه كل التفاصيل اللي فاتت بدأت اشوفها دلوقت
ادم بدأ ميرفضش البروتين مش بياكل كميات كبيرة اكيد بس علي الاقل مش بيرفض زي الاول
و كمان مناعته اتحسنت كتير و دي من نتائج الجلسات
بجد شكرا جدا جدا
ربنا يجعله في ميزان حسناتك يارب 
تعليقات
إرسال تعليق