تجربة ناجحة:الفطام بالحب

رحلة الرضاعة الطبيعية بدأت بالحب، وانتهت بالحب، فاللهم لك الحمد ❤ الحمدلله رب العالمين الذي يسر رضاعته، ويسر فطامه.
شكرا ماما نونا صافي علي دعمك ليا من أول يوم، من أول لما ولدت وكنت تعبانه وقلتيلي كل ما تتعبي بصي عليه هتنسي الوجع .. وقد كان
شلتيني فوق راسك وشيلتي ابني لحد ما وقفت علي رجليا
جزاك الله خيرا
شكرًا د.شروق الهيتمى علي نصايحك ومجهودك معايا ومع كل أم عشان ترضع طبيعي، حضرتك بتعملي طفرة في مجتمع بيحارب فيه الست اللي عاوزه ترضع طفلها، اللي حضرتك بتعمليه في مجتمعنا لا يقدر بثمن وأنا مهما شكرتك لا أوفيكي حقك
جزاك الله خيرا
شكرًا د.شيما مشرف أختي وحبيبتي في الله علي مساعدتك ليا وبحثك معايا ودعمك ليا وسؤالك المستمر عليا وعلي ابني
ربنا يبارك فيكِ وفي علمك
جزاك الله خيرا
شكرًا رباب مطر MaRwa Fathy
يمكن أكون مقابلتكمش لكن بقيتوا اخواتي وأكتر
سنة كامله واقفين جنبي بحلوها ومرها
دعواتكم وكلامكم الطيب عمري ماهنساه
محدش هيحس باللي شفناه سوا غير ربنا
عمري ماكنت أتخيل إني بالقوة اللي تخليني أصبر سنة و٧ شهور علي كام صنف أكل إلا بالعون من ربنا ثم العون منكم ❤
ربنا يطعمني ويطعمكم من نعيم الدنيا والجنة
جزاكم الله خيرا