حليب الشوفان
https://www.youtube.com/watch?v=xUzOso1Fzg8
كريب الشوفان
3 ملاعق شوفان مليانين
بيضة
رشة ملح
فلفل او قرفة
و شوية لبن او مية يبقى زى الكريب
نسويه فى طاسة مدهونة زيت
ده يعمل 2 او 3 قطع كريب
تجربة ام فى زيادة اللبن
ودي شوية وصفات جابت معايا نتيجة شخصية في زيادة اللبن جدااا
كنت يوميا بشرب سوائل اتنين لتر
ولان جسمي مش مليان ف كنت بخليها عصاير
لاني مش بحب اوي اشرب مية كتير
بس طبعا لو حد جسمه مليان او خايف يتخن انصحه بلاش
تاني حاجه
التمر
التمر دا كان بيخلي اللبن يزيد جدااااا جدااا بشكل فوري
يعني لو اول النهار اكلت تمر او بسكوت بالتمر او بيض بالتمر
بالليل كان بيحصل تحجير في صدري من كتر اللبن ماشاء الله
وكمان الشوفان باللبن والعسل
كان حلو جداا جداا
انا مكنش حد معايا بيخدمني ف كنت بلجا للحاجات السريعة اغلب الوقت
بسكوت بالتمر مثلا
عصير برتقال
فاكهة
كابوتشي
بخلي جمبي دايما حاجة تتاكل او تتشرب
عشان مهبطش
ومن اكتر الحاجات اللي زودت معايا اللبن كان التعصير
التعصير كان بيخلي اللبن يزيد بشكل كويس
ومستمرتش اكتر من اسبوع ونتيجته معايا كانت كويسة ( الامر دا بالذات فيه فروق فردية يعني كل ام استجابتها غير التانية )
No comments:
Post a Comment