تجربة ناجحة فى الاستشارة الأون لاين :العودة للرضاعة بعد الرفض التااااااام

اليكم قصتى فى اعادة ارضاع طفلتى
اولا احب اوضح سبب ترك ابنتى للرضاعة الطبيعية وايضا ابنتى الكبرى كانت نفس الحالة تركت الرضاعة ولكن بعد 6 شهور وابنتى الصغرى تركت الرضاعة فى الشهر 3
وكان السبب هو الببرونة والتيتينا وياليتنى كنت اعرف د شروق من قبل ولكن كان لها الفضل فى اعادة ارضاع ابنتى الصغرى مرة اخرى
اولاد شروق تعاونت معى كثيرا ولها جزيل الشكر لما استشرتها اون لاين
وبداية القصة كانت عندما اعطو طفلتى الببرونة فى المستشفى لانى بولد قيصرى ولم يكن عندى اى معلومات ان الببرونة هى السبب ولكنى ارضعتها لمدة شهرين رضاعة طبيعية وكنت بعطيها الببرونة فيها اعشاب على انها رضعة ولكنى عرفت بعد ذلك ان الاعشاب دى عبارة عن ماء وكثرتها غلط ولم تحسب على انها رضعة وفى نهاية الشهر الثالث وجدتها يتززهق على صدرى وفعلا اللبن قل لانى قللت فى المشروبات ودى المعلومة الثانية اللى مكنتش عارفها انى لازم اشرب ماء  و سوائل كثير و بعدين روحت لدكتور اطفال لقيت وزنها ناقص كيلو ونصف فاقلى لازم البنت تكبر وسعيلها حلمة الببرونة ولازم تديها صناعى عشان تكبر وانتى هتجوعى البنت وكلام من دا خرجت من عندو وانا حزينة جدا 
ولكنى بدءت ابحث على النت فى مواضيع الرضاعة فالقيت مواضيع الدكتورة فجبت الشفاط وبدءت اعصرلها الرضاعات من صدرى فى الببرونة لانها استحالة تاخد صدرى وطبعا مع اللبن الصناعى ولكن د شروق قالت لى اللبن هيقل خالص طالما مافيش مص لان المص هو اللى بيزود اللبن 
وبردو خلص الشهرالرابع وبردو وزنها مش بيزيد ودا سببو انها ماكنتش بتاخد رضعتها الصناعى كاملة ابدا 
وعرفت ان التيتينا بتستهلك نصف طاقة الطفل من المص فا اديها الرضعة ماتخدهاش كاملة وانا طبعا معرفش ان التيتينا هى اللى عاملة فيها كدا
 فكلمت د شروق واول حاجة نصحتنى بيها اشيل منها التيتينا وشلتها منها فعلا والحمد لله هم كبير واتزاح ودى اول خطوة
 بس طبعا عذبتنى يومين تلاتة ومكنتش بنام فيهم ابدا وبعدين د شروق قالتلى استخدمى ال صابع مع الانبوبة الرايل عشان تحس بالاحساس البشرى فى المص فتاخذ الثدى وفعلا فضلت معاها بطريقة دى كام يوم واستغنيت عن الببرونة بالببرونة بالمعلقة وطبقت مواضيع د شروق فى وضعها من الجلد للجلد 
 ومع الشيل والهز مرة فى مرة والحمد لله اخذت صدرى بعد الرفض التام
ولكن طبعا مع اللبن الصناعى بالسرنجة مرة ومرة بالببرونة بالمعلقة ومرة بالرايل والحمد لله مشيت و طبقت نظام تغذية المرضع وكان 2 كوب لبن مرة الساعة 3 ص ومرة 6 ص وقبل الفطار كوب شمر وبعد الفطار كوب حلبة وانا كنت بضيف ليها لبن وقبل الغدا كوب شمر وبعدو كوب حلبه وهكذا فى العشا مع الماء ودكتورة شروق نصحتنى بالجرجير والتلبينة والحمد لله ابنتى الان 8 شهور وبترضع منى و انصح كل ام بلاش الببرونة وبلاش التيتينا وبلاش اللبن الصناعى لبن الام افضل بكتير فى كل حاجة والموضوع محتاج صبر وتشجيع من اللى حوليكى عشان تعرفى تكملى رضاعة الطفل