شوربة الشوفان و مشروب الشوفان

ملحوظة هامة
انت ادرى بما منعه طبيبك و لا تاكلى شىء الا باذنه

شوربة الشوفان بالدجاج
تقطع بصله صغيره وتشوح بنقطه زيت ثم توضع صدور فراخ مقطعه وبعدين ملح وفلفل وفص حبهان وقرنفل ورشه خفيفه قرفه ورشه نعناع ( والتوابل حسب الرغبه)
وطماطم مقطعه وجزره مقطعه وميه أو شربه ومعلقتين أو ٤ شوفان وتغلى لما تستوى الفراخ وتضرب وبالهنا والشفا


شوربة البروكلى (شيلى الكريمة من الوصفة و لو حساسية قمح ضعى دقيق شوفان بدل الدقيق العادى)

https://www.youtube.com/watch?v=cgIm3hDE3Uk

روعة و سهلة جدا

بس بدل مرقة ماجى نحط شوربة 

بلاش الكريمة لحساسية الالبان

غنية بالكالسيوم و الفيتامينات

كل كوب بروكلى فيه خمس الاحتياجات من الكالسيوم 

للناس اللى عايزة تزود اللبن و مش بتحب الشوفان.

بالطرق دى طعمه حلو فعلا

" طريقة شوربة الشوفان "

1- يشوح بصل مفروم في زيت بسيط او سمنة ويضاف معلقتين دقيق ويتم التوشيح مع بعض

ثم يضاف المشروم طازج او معلب علي حسب المتوفر ..

نسيبهم يتشوحوا مع الشوفان بعدين نضيف شوربة وممكن لبن نصف دسم علشان تكون اخف وبعدين نضيف ملح وفلفل .

2- نشوح بصل مفروم معاه شوفان وتبليهم بكل التوابل اللي عندك ( كمون .. فلفل .. ملح .. كسبرة ...

تكوني مجهزة طماطم مضروبة ومعاها فص توم فالكبة ومعاهم بهارات بيدي تيست حلو اوي وبعدين تنزلي بالطماطم دي عالبصل والشوفان وتزودي شوربة او مية وتضيفي مرقة علي نار هادية وتسيبيها حوالي 10 دقايق وبعدين تضربيها يالبلندر وبالهنا والشفا

3- صدور فراخ صغيرة متشوحة مع زبدة نحط مية مغلية وتوابل فراخ وشوفان كامل ونسيبهم يغلوا لحد ميتجانسوا ونضيف شوية لبن او كريمة صغيرين ...

مشروب الشوفان

يضرب دقيق الشوفان مع العسل و اللبن .فى حالة الحساسية للبن يمكن استعمال حليب جوز الهند

او ينقع الشوفان مع الماء ربع ساعة ثم يضرب فى الخلاط و يتصفى و اضع عليه فانيليا و يمكن اضافة حلبة

اذا لم تستطيعى التطبيق ,زورى استشارية الرضاعة الطبيعية

المقال من باب المعلومات العامة و لا يغنى عن زيارة الطبيب.فاستشيرى طبيبك و طبيب طفلك فى كل ما يخصكما