تجربة ناجحة:توقف وجع الرضاعة الرهيب و رضعت بنجاح

انا كنت بعاني من الم شديد في الحلمات وصلت كمان لنزيف وقطعت الرضاعه الطبيعية

واضطريت للصناعي بسبب الوجع والالم

لكن ما استلسمتش زي ما ناس كتير قالولي (رضعي صناعي وخلاص وكده كده هو رضع صناعي عمره ما هيرجع تاني ويرضع طبيعي )

وفقدت الامل خالص

وبعد كده الله يباركلها في شغلها وصحتها واولادها دكتورة شروق الهيتمي بفضل الله رجعت ارضع طبيعي ومن غير تعب ولا وجع خالص.

الولد تعبنى فى الاول شوية لحد ما اتعود على صدرى تانى لأن الببرونة دى ماساة و الطفل بيتعود عليها.

الحمدلله الدكتورة ادتني علاج وبعديها بيومين قدرت ارضعه والوجع بدا يخف واحدة واحدة لحد ما بقاش فيه اي حاجة خالص.

خفيت بنسبة 100% ما شاء الله .

غير كمان نفسيتي ارتاحت لما رضعت ابني تاني .

بجد محدش يا جماعة يستسلم للصناعي ويقول خلاص كده انا تعبت ومش مستحمله .

ده حق عيالنا علينا.

لو سمحتى يا دكتورة نزلى الكلام ده

خلى الناس تعرف ان فيه أمل.

هذا المقال للمعلومات العامة و لا يغنى عن زيارة الطبيب فاستشيرى طبيبك و طبيب طفلك فى كل ما يخصكما