لم احمل و لا الد و رضعت ابنى بالتبنى

مساءكم فل يا امهات يا جميلات..

انا اللى عندى ابن من الرضاعة..

نور بيتى و هو عنده 5 شهور..بعد ان توفى الله والده و والدته فى حادث..

بدأت احاول فى الرضاعة و هو 6 شهور و نصف

كانت طبعا مش بس ببرونة ..لأ و تتينا ..و معنديش اييييييي لبن و عمرى ما حملت قبل كدة اصلا..

يعنى ريحة اللبن مش عندى..

الحمد لله..بفضله و كرمه و جوده..

رضع منى..و كان بينام على صدرى..و جبتله 5 رضعات مشبعات ..يعنى لتر و ربع لبن..

و اصبح محرم لى و ابنى حبيبى و قرة عينى..

اظن ده اكبر حافز لأى ام..ان اوعى اوعى تيأسى..انتى تقدرى و نص و تلات ارباع كمان..
بس مشيهم كلهم من البيت..و اجمدى شويتين و هتعرفى تتصرفى.

لما بدات كان عمره 6 شهور و كان بيشبه 180 مل

فى الاول رفض الرضاعة منى تماما فكنت باعمل وضع الجلد ملامس للجلد برضه رفض. بطلتله الببرونة و اعطيته الصناعى بالكوب و ده مهم جدا و بعدين استعملت الحلمة الصناعى و حطيت فيها الرايل و دى كانت الطريقة الوحيدة اللى قبل بيها الثدى
اخدت دوا لادرار اللبن
و جبت شفاطين كهربا
اللى فرق معايا فعلا شفاط المستشفيات و زود اللبن فعلا
بس برضه كان اللبن اقل من المطلوب
اللى خلى اللبن يزيد فعلا لما مص بالحلمة الصناعى و قبل الثدى بها
و مدرات اللبن الطبيعية مهمة جداااا
و بكده كملت 5 رضعات مشبعات

اهم حاجة الارادة

لو عايزة فعلا هتقدرى

هذا المقال للمعلومات العامة و لا يغنى عن زيارة الطبيب فاستشيرى طبيبك و طبيب طفلك فى كل ما يخصكما