لو صاحبتك قالت ادى ببرونة عادى .انا بعطى و مش هيرفض.تردى تقولى ايه؟

و واحد عدى الشارع من غير ما يبص و ربنا ستر
هل معنى كده كلنا منبصش و احنا بنعدى الشارع؟
اجابة استاذتى د امل الطويل على سؤال
اختى بتدى ببرونة مع الطبيعى و الطفل مش بيرفض
انا مقلتش كلللللللللللل اللى بتدى ببرونة ابنها بيرفض
انا بقول بعضضضضضضضضض
و ليه نخاطر؟
عارفين نسبة الرضاعة المطلقة فى اسكندرية بقت كام 2017؟؟؟؟
3%
احنا فى مهزلة
الهيئات العلمية تصرخ
الرضاعة مش بس الببرونة اللى بتديها لابنك و انتى خارجة
الرضاعة الطبيعية حماية من نوبات الاسهال و حساسية الصدر و كتير من الامراض اللى انتشرت بسبب اهمال الرضاعة و مش عايزة اضايقكم
مش بلوم حد نهائى
انا بلوم النظام الطبى اللى مش بيعلم الامهات
و لا بيساعدهم فى المستشفى يرضعوا

هذا المقال للمعلومات العامة و لا يغنى عن زيارة الطبيب فاستشيرى طبيبك و طبيب طفلك فى كل ما يخصكما