اانا الموضوع بدا من يوم الولادة بعد مافوقت من المخدر قالولي رضعي البنوتة سالت هي اخدت حاجة قبلي قالولي ايوة رضعة اعشاب
وفي البيبرونة
المهم الدكتورة قالتلي خدي رضعي وفعلا جيت ارضع قالتلي فين النيبلز انتي النبلز بتاعتك صغيرة اوى ☹️☹️طيب اي العمل يادكتور قالتلي اعمل تمرين السرنجة المقلوبة وفعلا ابديت اعمل مع الم ومحاولة بس بنتي بتعيط جامد ومش عارفة هي شبعانة ولا لا
بعتها مع ماما لدكتور اطفال عشان اطمن وفعلا الحمدلله سليمة وقالولها الى حصل ف المستشفي قالتلها خليها تجيب نبلز صناعي وتحاول بيها ومع ضغط من الي حواليا فعلا استخدمتها اسبوع
و بعدين النبلز بتاعتي اتهرت وكنت برضع بدموع وعرفت وقتها الخط الساخن وكنت بسمع وقتها عن دكتور شروق.
دكتور الاطفال قالي ياصناعي ياحضانة وفعلا دخلت الصناعي وع اليوم ١٧ فكراة زى اسمي روحت لدكتور شروق الله يكرمها مع ان الجميع كان معارضني ورضعي صناعي زى الفل وفيها اية يعني هو انتي اول ولا اخر واحده
بس انا كان ايماني بربنا كبير وعارفه ان صنع البشر عمره مايجي حاجة جمب صنع ربنا غير المناعة وفعلا اخدت ماما وروحت وعرفت من الدكتور الوضع الصح للرضاعة ولما عرفت اني مسافرة القاهرة قالتلي حاولى و روحى لاستشارية رضاعة هناك وانا متابعة معاكي واتس وهتابع والله يكرمها ماسبتنيش يومها غير لما بنوتي شبعت
فعلا من الرضاعة الطبيعى
ورحت وحاولت كتير انا وزوجي
مرة ترضع طبيعي ومرة لا وحاولت وعافرت كتير لحد اما انا تعبت جالي برد واستسهلت اديت ببرونة عشان استريح من كتر الضغط
هما ٣ايام بالضبط وكانت بنتي رافضة رضاعة من نهائي
وانا مضغوطة زى اى ام ف الوقت دة. بحث ع النت وزوجي حاول معايا ولاقينا الحل المؤقت الى هو الرايل كانت د شروق قالتلي عليه بس ماكنتش عارفة اجيبه منين وفعلا جبتو وبلغت دكتور شروق بكل التطورات والحاجات الي بتحصلي نصحتني اني اتابع مع استشارية رضاعة فى القاهرة الله يكرمها 
جيت احجز عند د اسماء صادق: لاقيت الصدمة بعد اسبوع الكشف قالولي. روحي لحد تاني لحد معاد كشفك بس انا بقي تربست معايا وفعلا استمريت ع الرايل وساعات اشفط بالسرنجة وادى وساعات صناعي بس باحاول انو بكون ع صدرى وخصوصا وزوجي معايا عشان يساعدني غير كدة كان الارضاع بالاصبع
لما روحت لد اسماء كانت تقريبا اليوم ٤٢ من ولادة مريم وفعلا روحت وفهمتني ان مخي ابتدى يفطم تدريجي لان مافيش شفط فاول خطوة الشفط واني لازم اقل حاجة ٨مرات شفط ف اليوم مع الغذا المتوازن واني احاول ادى المتشفط لبنتي واحاول اقلل الصناعي بس للاسف فشلت ف اول اسبوع وروحت من غير ما اعصر يدوى غير ٤مرات ف اليوم ودة كان رقم محبط بالنسبالي واتكلمت معاها ف اني استعمل شفاط كهربا واشفط وادى من غير رضاعة طبيعي قالتلي مش هيستمر كتير واني احاول اجيب شفاط لو حتي يدوى بدراع بس معرفتش اجيب وقتها بس استمريت مع الجدول اني اشفط بايدي وبعد اسبوع كانت نص الكمية بالضبط مني
والنص صناعي
الدكتور قالتلي برافو بس كنت ارهقت انا وزوجي وهو تعب خالص وقال مش لاعب وشوفى انتي واستسلم وروحت لدكتور اسماء قالتلي حاولي تستمرى انتي بطلة استمرى انتي بتساعدى بنتك يبقي عندها مناعة
و بتساعدى ان بنتك تبقي بعيدة عن الامراض وفعلا كانت اخر مرة اروحلها لوحدى انا وبنتوتي ☹️☹️وبعدين طلبت من زوجى طلب اخير وبعدها انا كمان هستسلم
عايزة شفاط بدراع ومش غالي وفعلا جابو كنت بشفط واحط اللبن المشفوط قدام عيني عشان ادى لنفسي الثقة اني عندى لبن واني عارفة الطريقة الصح وان مافيش قدامي غير الصبر ثم الصبر ثم الصبر وف اخر مرة كنت عند دكتور اسماء الله يكرمها
ادتني تجارب امهات تانية اخدت منهم دفعة قوية ساعدتني اثبت وفعلا كنت بحاول كتير مع قلة نوم ونرفزة وبيت متبهدل ديما جابلي اكتئاب ومابين عاوزة ارضع طبيعي عشان بنوتي
كنت بغير من الببرونة انا الى امك مش هى وخلصت بعد الدكتورة ما رحت للدكتورة علبتين ونص لبن صناعي ومع المحاولة والصبر اخيرا بنتي بترضع رضاعة طبيعية ١٠٠٪ وان شاء الله مكملين
فعلتها لقد فعلتها بفضل ربنا
ربنا ماسبنيش كنت بدعيه ودموعى مغرقاني ان بنتي تشبع مني واني ارضع طبيعي والحمدلله بنتي مقربة تتم ٥شهور وان شاء الله مكملين بس عاوزة اقول لاى ام بلاش الببرونة هيتعود عليها وساعتها هتندمى🙁🙁🙁اصبرى واحتسبي ارمي كلام الناس ورا ظهرك انتي الوحيدة المسؤلة عن بنتك انتي الوحيدة الي هتهمك صحتها وتبقي احسن منك
الصبر ثم الصبر ثم الصبر والدعاء سحر ياجماعة
انا الحمدلله دلوقتي مقدرة النعمة الى انا فيها والحمدلله
حاولي وجربى مش هتخسري حاجة شوية سهر فعلا متعب بس النتيجة حلوة
شوية تعب والشقة تتبهدل
بس الانجاز الى انتي بتعملية والمجهود عشان خاطر الصغنن يستاهل
معلش طولت
بس صدقوني دة عشان نفسي محدش يمر بالي انا مريت بيه
انتي اقوي
انتى تقدرى
#علشان_خاطر_الصغنن
المقال من باب المعلومات العامة و لا يغنى عن زيارة الطبيب.فاستشيرى طبيبك و طبيب طفلك فى كل ما يخصكما
وفي البيبرونةالمهم الدكتورة قالتلي خدي رضعي وفعلا جيت ارضع قالتلي فين النيبلز انتي النبلز بتاعتك صغيرة اوى ☹️☹️طيب اي العمل يادكتور قالتلي اعمل تمرين السرنجة المقلوبة وفعلا ابديت اعمل مع الم ومحاولة بس بنتي بتعيط جامد ومش عارفة هي شبعانة ولا لا
بعتها مع ماما لدكتور اطفال عشان اطمن وفعلا الحمدلله سليمة وقالولها الى حصل ف المستشفي قالتلها خليها تجيب نبلز صناعي وتحاول بيها ومع ضغط من الي حواليا فعلا استخدمتها اسبوع
و بعدين النبلز بتاعتي اتهرت وكنت برضع بدموع وعرفت وقتها الخط الساخن وكنت بسمع وقتها عن دكتور شروق.
دكتور الاطفال قالي ياصناعي ياحضانة وفعلا دخلت الصناعي وع اليوم ١٧ فكراة زى اسمي روحت لدكتور شروق الله يكرمها مع ان الجميع كان معارضني ورضعي صناعي زى الفل وفيها اية يعني هو انتي اول ولا اخر واحده
بس انا كان ايماني بربنا كبير وعارفه ان صنع البشر عمره مايجي حاجة جمب صنع ربنا غير المناعة وفعلا اخدت ماما وروحت وعرفت من الدكتور الوضع الصح للرضاعة ولما عرفت اني مسافرة القاهرة قالتلي حاولى و روحى لاستشارية رضاعة هناك وانا متابعة معاكي واتس وهتابع والله يكرمها ماسبتنيش يومها غير لما بنوتي شبعت
فعلا من الرضاعة الطبيعى ورحت وحاولت كتير انا وزوجي
مرة ترضع طبيعي ومرة لا وحاولت وعافرت كتير لحد اما انا تعبت جالي برد واستسهلت اديت ببرونة عشان استريح من كتر الضغط
هما ٣ايام بالضبط وكانت بنتي رافضة رضاعة من نهائي
وانا مضغوطة زى اى ام ف الوقت دة. بحث ع النت وزوجي حاول معايا ولاقينا الحل المؤقت الى هو الرايل كانت د شروق قالتلي عليه بس ماكنتش عارفة اجيبه منين وفعلا جبتو وبلغت دكتور شروق بكل التطورات والحاجات الي بتحصلي نصحتني اني اتابع مع استشارية رضاعة فى القاهرة الله يكرمها جيت احجز عند د اسماء صادق
: لاقيت الصدمة بعد اسبوع الكشف قالولي. روحي لحد تاني لحد معاد كشفك بس انا بقي تربست معايا وفعلا استمريت ع الرايل وساعات اشفط بالسرنجة وادى وساعات صناعي بس باحاول انو بكون ع صدرى وخصوصا وزوجي معايا عشان يساعدني غير كدة كان الارضاع بالاصبع لما روحت لد اسماء كانت تقريبا اليوم ٤٢ من ولادة مريم وفعلا روحت وفهمتني ان مخي ابتدى يفطم تدريجي لان مافيش شفط فاول خطوة الشفط واني لازم اقل حاجة ٨مرات شفط ف اليوم مع الغذا المتوازن واني احاول ادى المتشفط لبنتي واحاول اقلل الصناعي بس للاسف فشلت ف اول اسبوع وروحت من غير ما اعصر يدوى غير ٤مرات ف اليوم ودة كان رقم محبط بالنسبالي واتكلمت معاها ف اني استعمل شفاط كهربا واشفط وادى من غير رضاعة طبيعي قالتلي مش هيستمر كتير واني احاول اجيب شفاط لو حتي يدوى بدراع بس معرفتش اجيب وقتها بس استمريت مع الجدول اني اشفط بايدي وبعد اسبوع كانت نص الكمية بالضبط مني
والنص صناعي الدكتور قالتلي برافو بس كنت ارهقت انا وزوجي وهو تعب خالص وقال مش لاعب وشوفى انتي واستسلم وروحت لدكتور اسماء قالتلي حاولي تستمرى انتي بطلة استمرى انتي بتساعدى بنتك يبقي عندها مناعة
و بتساعدى ان بنتك تبقي بعيدة عن الامراض وفعلا كانت اخر مرة اروحلها لوحدى انا وبنتوتي ☹️☹️وبعدين طلبت من زوجى طلب اخير وبعدها انا كمان هستسلم
عايزة شفاط بدراع ومش غالي وفعلا جابو كنت بشفط واحط اللبن المشفوط قدام عيني عشان ادى لنفسي الثقة اني عندى لبن واني عارفة الطريقة الصح وان مافيش قدامي غير الصبر ثم الصبر ثم الصبر وف اخر مرة كنت عند دكتور اسماء الله يكرمها
ادتني تجارب امهات تانية اخدت منهم دفعة قوية ساعدتني اثبت وفعلا كنت بحاول كتير مع قلة نوم ونرفزة وبيت متبهدل ديما جابلي اكتئاب ومابين عاوزة ارضع طبيعي عشان بنوتيكنت بغير من الببرونة انا الى امك مش هى وخلصت بعد الدكتورة ما رحت للدكتورة علبتين ونص لبن صناعي ومع المحاولة والصبر اخيرا بنتي بترضع رضاعة طبيعية ١٠٠٪ وان شاء الله مكملين
فعلتها لقد فعلتها بفضل ربنا ربنا ماسبنيش كنت بدعيه ودموعى مغرقاني ان بنتي تشبع مني واني ارضع طبيعي والحمدلله بنتي مقربة تتم ٥شهور وان شاء الله مكملين بس عاوزة اقول لاى ام بلاش الببرونة هيتعود عليها وساعتها هتندمى🙁🙁🙁اصبرى واحتسبي ارمي كلام الناس ورا ظهرك انتي الوحيدة المسؤلة عن بنتك انتي الوحيدة الي هتهمك صحتها وتبقي احسن منك
الصبر ثم الصبر ثم الصبر والدعاء سحر ياجماعة
انا الحمدلله دلوقتي مقدرة النعمة الى انا فيها والحمدلله
حاولي وجربى مش هتخسري حاجة شوية سهر فعلا متعب بس النتيجة حلوة
شوية تعب والشقة تتبهدل بس الانجاز الى انتي بتعملية والمجهود عشان خاطر الصغنن يستاهل
معلش طولت
بس صدقوني دة عشان نفسي محدش يمر بالي انا مريت بيه
انتي اقوي
انتى تقدرى
#علشان_خاطر_الصغنن
تعليقات
إرسال تعليق