تجربة منال
يابنات عايزة احكيلكم على تجربتى فى ارجاع الرضاعة مرة
اخرى وياريت تضاف للتجارب...مع الشكر طبعا لدكتورة شروق لأنها السبب الرئيسى فى
اعادة الامل ليا مرة اخرى بعد مازرتها فى العيادة ..
.( انا ماشاء الله كنت بطلت
رضاعة طبيعى خالص لانى لبنى قليل او هما احبوطى وقالو ان البنت مش بتشبع منى وان
لبنى قليل اوى وكدة فبطلت الرضاعة لان بالتدريج مع قلة الرضاعة اللبن فعلا قل
ومبقاش ينزل الا بالعافية واعتمدت عالصناعى فقط فمشيت على نظام لو عملتوه اللبن
هيرجع بااذن الله وهيبقى كتير بس عايز صبر
.......اولا الماية دى الاساس اشربيها حتى يصبح لون البول فاتح.
..الحلبة الحصى تغليها فى الماية وتشربيها بمعلقتين عسل اسود
مرتين تلاتة فى اليوم .....طول ماانتى قاعدة بقى تاكلى المفيد ولما تجوعى كلى خيار او جزر او جرجير او
كابوتشى او خص او فاكهة بالكميات الى تحبيها ..
...كل يوم بالليل والصبح لو قدرتى
كلى زبادى ...اهم نقطة بقى فى الموضوع ... فى البداية اللبن هيكون ضعيف ملكيش دعوة
افضلى حاطة البيبى على صدرك هو هيحفز نزول اللبن على اد ماتقدرى خليه ياخد الصدر
..
.(انا والله كان عندى صدر تقريبا مرضعتش منه ولا مرة خلال الست شهور الاولى من
ولادة بنتى والحمدلله بدأ اللبن يرجع فيه ) ..
.والنقطة التانية الى هتفرق معاكى
كتير .. لو البيبى نايم او شبعان ومش عايز ياخد الصدر ..طول ماانتى مش بترضعى
اشفطى اللبن فى الببرونة ..سواء باايدك ( يعنى تعصرى ) او بشفاط ...لان الخطوة دى
بتبعث اشارات للمخ انه يزيد من انتاج اللبن ...وكمان عشان تستفيدى بااى لبن موجود
فى صدرك انك تحطيه فى الببرونة وتحفظيه فى التلاجة عشان لو خارجة تديه للبيبى قبل
متخرجى عشان تضمنى انه شبع
....طبعا هتتعبو شوية بس مع المثابرة والصبر والاستعانة
بربنا هيرجع اللبن ان شاء الله
تعليقات
إرسال تعليق