تجربة رضاعة ناجحة بعد شهرين توقف الرضاعة

تجربة رضاعة ناجحة بعد شهرين توقف الرضاعة
ولدت ابنى و كان بيرضع كويس خالص لحد 3 يوم
بعد كده رفض
معرفتش اعمل ايه ويصرخ ويعيط
كل اللى حواليا قالولي اديله ببرونه
ما كنتش اعرف أضرارها ولا مخاطرها ولا أي شي
أدتله
بعد كده ما رضيش يرضع خالص
دورت على وسائل عشان ألقى حل
كلمت دكتور شروق و قالتلى نصايح
المشكله انه كان استسهل الببرونه
وروحت العياده عند د.شروق
ويومها رضع كويس فى العيادة
بعد كده ما رضيش تاني
لقيت يومها اللين كويس خالص وكميته كويسه استخدمت يوميها أنبوب رايل لكن الأستاذ الصغير لم يقبل بيه.
كان ممكن تقعد 3 ايام من غير ببرونه وياخد بالسرنجه كمية قليلة
وما يرضيش يمسك صدري برضه .
رجعت تاني لببرونه لكن خرم ضيق ع أمل انه يرضع لأن الدكتورة قالت متجوعيهوش
برضه مره يرضع وعشره لا
بس مش عارفه ليه دايما عندي حماسه وسعى .
عصرت صدري كان بيعصر كويس خالص 120 وأحيانا 100 وممكن لو مضايقة أو مش واكله أقل من كده
قعدت كتير فى المحاوات دى وجربت كل أوضاع الرضاعه
لكن الجلد للجلد كان بيفرق معايا جدا فى كميه اللبن وفى قربه لي و فى تقبل الرضاعه
والحمدلله اتحلت المشكلة
و بقى بيرضع طبيعى بس ما شاء الله
و كانت سعادة كبيرة بفضل الله
و د شروق طلبت منى اساعد باقى الامهات
و الان انا ادمن فى جروب مساندة الام المرضع
 تمنياتى لكم برضاعة طبيعية سعيدة

استشيرى طبيب طفلك فى كل ما يخصه

هذه المقالة من باب المعلومات العامة و لا تغنى عن زيارة الطبيب