عمل جدول للطفل بمواعيد

✅قوليهاكدة✅*
*الحلقة ال٢٠٠*

كتير من الامهات ان ماكانوش كلهم بيعانوا مع اولادهم عشان ينجزوا مهام معينة
واجب مدرسة 
مسئولية فى البيت
طلب عام ...اى حاجة
التباطؤ والرخامة واللكاعة والدلع بيكون غالبا سكت الاطفال ...وبصراحة عندهم حق ....
لان عندهم سياسة ليه اخلص دلوقتى اما ممكن اخلص بعدين
والفكرة فى انك تحمسيه وتشجعيه على انه يخلص محتاجة شوية ترغيب زى ماقولنا امبارح شوية ترهيب
شبهى المواعبد والاعمال اللى عندك بالطياره
قبل ماتطير بتتحرك بسرعة معينة ماشية على الارض  ...وبعدين تتحرك مسافة معينة بسرعة اكبر على الارض برده ..بعد كدة عند سرعة ومسافة محددة بتعمل اقلاع🛩وهيا اللحظة اللى ماحدش هيعرف يلحق الطيارة ولا يمسكها
احنا عندنا معاد للنزول للمدرسة الصبح
اتفقى معاهم على محطات معينة
1⃣الحمام والصلاه
2⃣تغيير الملابس
3⃣الفطور
4⃣النزول
وحطى لكل محطة مواعيد
يعنى مثلا لو هينزلوا الساعة ٧:٣٠تبقى المحطات كالاتى
1⃣الحمام والصلاه ٦:٤٥
2⃣تغيير الملابس٧
3⃣الفطور ٧:١٥
4⃣النزول ٧:٣٠
ده مثلا
 لو جه معاد المحطة ولسة اللى قبلها ماخلصتش اطلقى انذار قرب اقلاع الطائرة (الطيارة هتطير) *قوليها كدة*ا لكلام ده مالوش دعوة بالسن .يتقال لكل المراحل
ومافيش مدرسة النهاردة
واحدة تقولى احب ماعلى قلبهم😏😏😏
لاااااا😈😈😈😈
اليوم اللى الطياره هتطير من غيرهم معناها
😈قاعد فى اوضته طول اليوم
(الطياره طارت) *قوليها كدة*
😈مافيش تلفزيون او موبايل او كومبيوتر (الطيارة طارت)
😈مافيش تجول فى البيت (الطيارة طارت)
😈مافيش اكل الا اللى المفروض كان ياخده معاه(الطيارة طارت)
لحااااااد معاد رجوعه للبيت يرجع اليوم عادي بقة
من الاخر خليه يوم (......)عليه
بااااااااس كدة بمنتهى البساطة
تانى يوم هتلاقى ملاك ماشي على الارض بس خودى بالك
👌🏼اوعى تتكلمى معاه خالص هوا اصلا فى المدرسة نسيتى ولا ايه😈
👌🏼اوعى تزعقى او تهددى او تتوعدى او تفكرى او تذكرى
👌🏼الصمت اببببببلغ من الكلام
👌🏼لو عرف يجرجرك للجدال فكدة خسرتى الفرصة انك تربيه على الالتزام والجدية
👌🏼اديله وقت كافى للمهام دى قبل النزول
نففففففس الكلام فى حالة تمارين او مواعيد او كورسات او اى حاجة مطلوب فيها جدية والتزام
 اوعى تتكلمى .......كله على الساكت ...الكلام ضعف .....وكل اللى تقوليه (الطيارة طارت)

*#قوليها _كدة*
*#سمارت_ستارز_معاكى*
*#سمارت_ستارز_سنتر*
 اي رايكم؟