.jpeg)
أولاً: دوري على وضع يكون فيه صدرك والبيبي مسنودين كويس عشان تعرفي تستخدمي إيديكي.لتوجيه ووضع الثدي في فم البيبي:وضع الاستلقاء على الجنب من الأوضاع اللي ممكن تساعدك، عشان في الوضع ده صدرك هيكون مسنود على السرير.ممكن تجربي تحطي البيبي على طرابيزة قدامك، وتحطي تحته أي حاجة طرية عشان يكون مرتاح، وبكده تقدري تستخدمي إيديك بأريحية.لو مخدة الرضاعة مش مناسبة، زودي أي مخدة كمان تحت دراعك تشيل الوزن معاكي، عشان ما يبقاش الحمل كله على دراعك وكتافك.جربي تربعي، وحطي مخدات على حجرك ترفعلك البيبي.وضع الاستلقاء على الظهر من الأوضاع اللي بتريح أمهات كتير.
أي وضع تختاريه هو وضع مناسب ما دام مريحك. كل اللي تاخدي بالك منه إن وزن صدرك مش فوق صدر البيبي عشان ياخد نفسه براحته.لو حاسة صدرك فوق صدره، ارفعي صدرك شوية بإيدك.ثانياً: طرق تقدري فيها ترفعي وتسندي صدرك لتقليل الحمل عليكيجربي تلفي فوط صغيرة وتحطيها تحت صدرك ترفعه شوية.ممكن تستخدمي حمالة أو رباط قماش (زي الحمالة بتاعة الدراع لو متجبس - بعيد الشر عنك) وتعديها تحت صدرك ترفعه بعيد عن البيبي.لو هتستخدمي شفاط، استخدمي معاه "برا التشفيط"، أو اعمليها إنتي في البيت (عن طريق قص فتحة دائرية مكان الحلمة والهالة تسمح بدخول قمع الشفاط وتثبيته في مكانه) فما تبقيش مضطرة تفضلي ماسكة الشفاط وصدرك طوال فترة التشفيط.
لو قلقانة على نفس البيبي وحاسة صدرك مغطي فتحات أنفه، اضغطي بإبهامك على صدرك من فوق، لكن وجهي اتجاه الضغطة إلى تحت وباتجاه أنفه.ما تحاوليش اتجاه الضغطة يكون بيبعد صدرك عنه، عشان كده هتبوظي الالتقام.
عشان تبقي متطمئنة إن مفيش ضغط على مجرى التنفس عنده، ركزي إن ما تبقاش فتحات أنفه ملامسة لصدرك ويكون فيه فراغ ولو بسيط.ويكون كمان فيه فراغ بين دقنه وصدره، وما تبقاش دقنه مدفوسة في رقبته، لأن ده هيصعب التنفس والبلع عليه.
بعض الأمهات بتكون الحساسية في الهالة والحلمة قليلة، وما يحسوش مص البيبي كويس وما يقدروش يفرقوا لو هو بيرضع في المكان الصح أو الغلط.فحاولي دايمًا تتأكدي إنه بيمص في المكان الصح، وإنه حاطط الحلمة وجزء من الهالة بالفعل في بقه.ممكن تطلبي من استشاري الرضاعة يسيبلك أي علامة حوالين الهالة (زي مثلاً البلاستر الطبي) عشان تفضلي فاكرة مفروض تحطي صوابعك فين لما تعملي تكنيك الساندويتش.
عشان تعملي تكنيك الساندويتش:
اضغطي بصوابعك (الإبهام من ناحية وباقي الأصابع من الناحية التانية) بعيد عن الحلمة بحوالي 5 سم.ده هيسهل على البيبي يدخل أكبر جزء ممكن من البريست في بقه.ثالثاً: ازاي تحافظي على خصوصيتك عند الرضاعة في الأماكن العامة بقدر الإمكان
البسي تيشيرت تحت آخر طبقة هدوم هتلبسيها، واعملي في التيشيرت ده فتحة دائرية في الناحيتين تطلعي منها صدرك وقت الرضاعة.ده هيساعدك إن باقي أجزاء جسمك تفضل متغطية.
من الحاجات اللي ريحت الأمهات إنهم يلبسوا "الفانلة بحمالات" بتاعة أزواجهم، عشان فتحة الذراع واسعة جدًا.بيقدروا يطلعوا صدرهم بأريحية من الجنب، مع الحفاظ على صدرهم متغطي من قدام.أخيراً..أي فكرة تخطر على بالك ممكن تساعدك.. جربيها.مفيش شروط أو قيود.. المهم تكوني مرتاحة.د. شروق الهيتميد. رنا حسن
.jpeg&description=افكار للرضاعة من الثدي الكبير){kind=link}
تعليقات
إرسال تعليق