تجميع بوستات رفض الطعام

 

لو سمحتم لو الطفل رفض الأكل الصحى.

بلاش موضوع يأكل بسكوت أحسن من مفيش.
لا مفيش أحسن.
لأن الأطفال فى منتهى الذكاء.
و بيفضل يضغط عليكى لحد ما تجيبى البسكوت.
و النتيجة انيميا و سوء تغذية.
طيب الحل؟
شربيه مية و انتظرى لما يجوع

ترد بعض الأمهات تقول
مش هتقدرى تمنعى الحلويات.
هياكلها فى الحضانة و عند القرايب.
الحقيقة واحدة شيكولاتة غير علبة شيكولاتة.
ساعة فى زيارة غير ٢٤ ساعة.
لما يتعود و هوا ٤ سنين غير لما يبقى منذ السنة ده كل اكله؟؟؟؟؟

علب الشيكولاتة فى البيت كارثة

فيديو لطفل صينى لا يتعدى السنة بياكل ما شاء الله وحده بشهية

https://www.youtube.com/watch?v=nNB0FN_ENMI

اكيد محدش اجبره ياكل 

محدش ضربه علشان ياكل

فيه أمهات و آباء بيحبوا الحلويات جدا.
يدخلوا البيت بكيس الحلويات.
و طبعا الطفل بيفرح جدا.
و بيكون القدوة بيحب الأكل ده يبقى ده الأكل ( الحلو).
و مهما حاولتى تقنعى الطفل مياكلش بيبقى مستحيل.
و نفسه تتسد و تضيع وجباااااااااات.
لان معدة الطفل صغيرة و اى حاجة من دى بتقفلها تماما.
ارجو كم لو هتجيبوا الحاجات دى خبوها من الاطفال رحمة بيهم

فيه حاجة فى علم النفس اسمها الرابط الايجابى و الرابط السلبى

يعنى مثلا لما تشم ريحة بارفان تفتكر شخص او لما تدوق اكلة تفتكر موقف.

الطفل لما يكون كل مرة الأكل بالغصب و الزعيق و النكد

بيعمل رابط سلبى سىء مع الأكل

الأكل ده بتاع النكد و الغم

فيكرهه

و يكره شكله و ريحته

اربطوا الأكل بالمتعة و السعادة و المرح

و ده السر اللى المؤتمرات العالمية اتكلمت عليه لحل مشكلة رفض الطعام و الطفل الانتقائى.

طبعا الشيبسى مش صحى ابدا للاطفال و لا الكبار .

و غير المواد الحافظة، تحمير البطاطس خطر على الصحة.بالاضافة لاننا منعرفش الزيت متحمر فيه كام مرة.

فكرى.

ابنك وزنه ١٢ كيلو

و انتى وزنك ٧٠

لو بياكل كيس

انتى كلى ٧ اكياس

و شوفى هتقدرى تاكلى الوجبة اللى بعدها و لا لا

طبعا متجربيش و لا انتى و لا ابنك .ربنا يحفظكم

الامهات اللى بالنسبة لها متقدرش تسيب الاكل للبيبى ياكله علشان ميقعش على الارض

نفع معاهم الاقتراح ده

ضعى فى الطبق زى الصورة دى

قطعة واحدة فقط!!!!!!!!!

و تحت الطفل مفرش نظيف

لو وقعت مش مشكلة

كليها انتى

حسب سنه و انه يستوعب قطع الاكل

دى كانت احد اساليب التعذيب زمان

متعذبيش ابنك كده

ترضى حبيبك تكون فكرته عن الاكل انه بتاع النكد و الحالة اللى فى الصورة؟

تجربة ناجحة فى الاستشارات الاون لاين فى علاج رفض الطعام
بنتى كان عندها ارتجاع صامت وللاسف كنا بنغصبها علي الببرونه لانها كانت بتفضل بالساعات وتاخد 30مل بس
ولما ابتدينا ندخل الاكل للاسف بردو كانت متعبه جدا
وكنا بندخل الاكل في بؤها بالعافيه
افتح فمها بايد و ااكلها بالايد التانية
فكانت رافضه الاكل كمان بس كانت ابتدت تتقبل اللبن عن الاكل
لحد استشرت حضرتك اون لاين
قولتيلي اللبن يقل بالتدريج لاننا وصلنا سنه وكنا بنديها اللبن علشان يعوض مكان الاكل
وحضرتك سألتيني بتديها الاكل في ايديها
ساعتها انا قلت لحضرتك ايوه
فاقولتيلي كام مره؟؟؟؟؟؟؟
وهنا مركز غلطي كنت بديها الاكل في ايديها قليل تمسكه تفركه الاقي الدنيا هتتبهدل اشيله منها
بس بعد السؤال بقيت طول الوقت ادلها علي مدار اليوم تلعب بيه شويه وتسيبه واوقات تقطم حته في بقها وتخرجها
لحد ما ابتديت تاكل لقمة عيش لوحدها وابتديت تفتح بؤها لنا ااكلها وده كان مستحيل الاول كنت بفتح بؤها بايد واحط بالتانيه
و اهم حاجة بطلنا نغصبها على الاكل
و الحمد لله بدات تاكل ووزنها يزيد بدون غصب
و متابعين مع حضرتك تقليل اللبن و زيادة الاكل

تجربة ناجحة فى الاستشارات الأون لاين فى تغذية الأطفال

طفل جميل ما شاء الله عمره 7 سنوات

مشكلته انه رافض اللحمة و الفراخ و السمك

نصحت الأم نصيحتين

تعمل كفتة فراخ

و تتجاهل تماما الموضوع ده

و ممنوووووووووووووووووووع اى حد فى البيت يتكلم على اكل الطفل

المفاجاة

أكل كفتة الفراخ

قالها ايه ده

قالت له انت حر مش عايز تاكلها بلاش فأكل.

التجاهل سحرررررررررررررررر

تغذية الأطفال اساسها فهم نفسيتهم

( جميع المعلومات الواردة في المدونة لا تغني عن زيارة الطبيب )