ازاى تقنع ابنك بالأكل الصحى:
لما تيجى تأمر و تنهى أطفالك حاول تنوع فى أسلوبك مايبقاش كل ما تعرفه هو (أفعل و لا تفعل )
خاطب عقله و قلبه و ضميره و دربه على السلوك
خاطب عقله ..بالاقناع ان هذا الفعل فى مصلحته ..و ايه فايدته بالنسبة ليه
خاطب قلبه بانك تخليه (يحب) الفعل دا و من يفعله ويكره الى مايعملوش ..و دا بيبقى عن طريق القصة مثلا ...
فالقصة عليها عامل كبير فى ترسيخ الافعال الجيدة فى نفوس الاطفال
خاطب ضميره بان ترسخ فيه المبدأ و القاعدة و دايما تذكرها بالبرمجة و التكرار
دربه على السلوك بانك تعمل العمل معاه و دا عن طريق التمثيل مثلا
على سبيل المثال :
تشتكى الامهات ان ابنها مش بياكل او بياكل حلويات كتير
هنتكلم معاه عن اهمية الغذاء ليه
و ندخل الانترنت و ندور على فيديوهات أو صور أو كرتون بتتكلم عن الموضوع دا و نتفرج معاه
و الغذاء المهم وليس الحلويات و الشيبسى و المياه الغازية و أثر هذه المأكولات على الصحة
هنخاطب قلبه ..بانه يحب الاكل المفيد من خلال القصص و ازاى الطفل الى اكل اكل مفيد اصبح قوى و الى اكل حلويات كان ضعيف ..اخترعى قصة او دورى على الانترنت
هتخاطب ضميره بترسيخ المبدأ و تكراره يوميا على مسامعه حتى يتبرمج عليه ...على سبيل المثال
(بحسب ابن آدم لقيمات يقمن صلبه )
دا علشان انت نفسك تفتكرى ان مش بكمية الاكل ...الاهم النوع ..و تبطلى حرب الاكل الى كل يوم
كنت دايما اكرر على ابنائى ...لما اكلهم يزيد (نحن قوم لانأكل حتى نجوع و اذا اكلنا لانشبع )....
علشان نضبط كمية الاكل و علشان مايبقاش الاكل وسيلة للترفيه (انت زهقان مش جعان ) مش كل ماتحس بالزهق تفتح التلاجة
بعد كدة بنبدأ نعوده على آداب الاكل ...بالتمثيل مثلا
يعنى هنمثل اننا بناكل مع بعض و نتبع كل آداب الطعام و نصفق للى يعملها صح
فى النهاية بتلاقى فيه اساسيات رسخت فى ضميره بتلاقيه اقتنع بعقله بتلاقيه حب الموضوع بتلاقيه اتمرن ازاى يعمله
الابناء علشان يلتزموا بالصح و الغلط ...محتاجين تنويع فى وسائل التوجيه
فى عصر الميديا اسلوب افعل و لاتفعل لم يعد يجدى .
د / دعاء راجح
تعليقات
إرسال تعليق