دكتورة شروق انا ببعت لحضرتك بشكرك جزاك الله خيرا ورزقك التوفيق والإخلاص وحسن الثواب
انا ارسلت لك من سنة كنت والدة توأم وفيهم طفل وإنه قليل وكل اللي حواليا قالوا لازم صناعي وانا كنت رافضه وأرسلت لحضرتك وشجعتيني جداااا وبفضل الله اتممناعام إضاعة طبيعية تماما بدون تدخل أي البان صناعية
تجربة اخرى ناجحة
مريحه جدا المهم تتلبس صح ... انا من أنصار أن الأم والأطفال لازم يخرجوا من اول اسبوع علشان نفسيتهم كلهم .. فجربت كل حاجه لان كمان عندي بنت اكبر ست سنوات عندنا التزمات كتير .... جربت السترولر تقيله وغير عمليه بالمره مع الشوارع عندنا .. جربته واحده فى شياله وواحد فى سترولر كنت محتاسه ومش عارفه اساعد نفسي ومش عارفه اركب تاكسي.
حتى جربت واحده فى شياله وواحده فى كارسيت جبت اخف نوع فى السوق كان اتنين كيلو كان تقيل على دراعي بس مكانش حل وحش بس مش عملي فى كل الاماكن. استعنت برفيقه فكره رائعه جدا بس مكلفه مع كثره خروجنا
وانا بخرج اربع مرات فى الاسبوع. استخرت وقررت اجيب شياله التوأم انا بشيل البنتين وشنطه ضهري وأكياس فى ايدي وبنزل ببنتي الكبيره بنروح كورساتها وبنروح تمارين وبنروح المنتزه والبحر وجنينه الحيوانات وبنزل اتمشى من العصافره لفتح الله المنتزه وبروح للدكتور. وعملت عزومه غدا وكنت بلبسهم كل ساعتين علشان يرضعوا وهما فيها وانا بكنس البيت .... احساس اني مش معطله كل الناس علشان يحركوني ومش مرتبطه بمواعيد زوجي وأنه لازم العربيه تبقى موجوده علشان اتحرك وان اختي تلغي حاجه عندها علشان توصلني أو واحده من البنات تتعب واضطر انزل للدكتور فلازم حد معايا.
احساس انى محبوسه وقليله الحيله كان ممكن يقضي نفسيا عليا ويدخل البنات فى حاله وحشه.
انا واحده بحب اعتمد على نفسي وبحب اتحرك واتطوع وازور صحابي وافسح بنتي .... اول مره نزلت بيهم فيها كنت متوتره وحاسه الناس كلها بتتفرج عليا ، بس بعد كده لأ خالص. الناس بتتفرج علينا لما بتبقى محتاسين لكن لما نمشي فاردين ضهرنا وواثقين فى نفسنا الناس مش بتشوفنا اصلا.
تعليقات
إرسال تعليق