Saturday, September 13, 2014

طريقة الفطام التدريجي للمحافظة على نفسية الطفل



الفطام من الثدي من اصعب الأشياء على الأم والطفل ويجب على الأم ان تستعد نفسيا وبدنيا له وتعد طفلها حتى تمر هذه المرحلةبسلام باذن الله.و يجب أن يحدث تفاعـل دائم من الأم للطفل حتى لا يفهم ان الفطام هو انفصال عن الأم نفسها و ليس عـن ثديها فينفـعل و يتوتر .

وفيما يلى بعض الخطوات التى تساعد على تسهيل الفطام مع مراعاةان الفطام التدريجى افضل للام والطفل من جميع النواحى.
فالطفل الذى تعود على ثدىامه وحنانها يصعب عليه فراقها فجاة.
وارى فيه قسوة شديدة على الطفل

فرتبى للفطام من قبلها بكتييييييير ليسهلع ليك الأمر
نصائح تسهل عليكى الفطام باذن الله:
.
1-فى البداية اجعلى طفلك يفهم تدريجيا انه اصبح كبير الان وان الاطفال الاصغر هم الذين يرضعون طوال الوقت ولكن لا تكررى كثيرا كلمة انت كبير حتى لا يكره فكرة انه كبر.فقط قولى والدك واخواتك الكبار لا يرضعون.
2-وهناك قاعدة مهمة فى بداية الفطام(لا تعرضى الثدى ولا ترفضى عند الطلب)
واذا رفضتى لا تقولى لا .فقط تجاهلى الامر واشغليه فى شىء اخر.ويجب ان تعرفى ان الطفل يتمسك بالشىء الذى ترفضيه اما لو تلهى فى شىء اخر ينسى ما يطلبه وهذه قاعدة هامة فى تربية الاطفال .
2-لا تجلسى فى مكان واحد فترة طويلة,فهذا يشجعه على طلب الرضاعة كثيرا
3-الملل يجعله يريد ان يرضع.غنى له اقراى الكتب,اشغليه دائما
4-لا تجلسى جلسة الرضاعة .لا تلبسى ملابس مكشوفة
5-غالبا الطفل يعبر عن الجوع بالرغبة فى الرضاعة فاعطيه طعام يحبه ويكون مغرى فى شكله حتى ينشغل.

6-الطفل الذى لا يحب المشروبات الافضل ان تحاولى تعويده عليها قدر الامكان وتعويده على الاعشاب غير المحلاة  فذلك سيسهل عليك وخصوصا عند الامتناع عن رضاعة الليل.
7-اذا رفض الشرب من الكوب ,هناك كوب يباع فى الصيدلية له حلمة طرية تشبه الببرونة لكن مشقوقة وتضعى فيها السوائل واللبن
8-الطفل الذى يرفض شرب الماء قد يفضل الماء البارد ولكن لا يكون شديد الشىء البرودة حتى لا يسبب التهاب الحلق
9-لا تجعليه يمشى ورائك فى البيت راغبا فى الرضاعة,غيرى اتجاه مشيك باستمرار لتصرفى تفكيره
10-الطفل الذى يرفض الطعام اجعليه يتذوقه حتى لو بصقه ويمكن اعطاؤه العسل على طرف لسانه.
11-سن الفطام هو السن الذى تبدأ فيه معظم الامهات تعويد الطفل على استخدام المرحاض.وطبعا من الصعب ان يتم تعويد الطفل على الشيئين معا لان هذا يسبب ضغط نفسى شديد عليه.فاحرصى ان تنتهى من التعويد على المرحاض قبل البدء فى الفطام او ان تؤجلى التعويد على المرحاض الى ما بعد الفطام.
12-اذا كان الطفل معتاد ان يرضع لكى ينام ,تعمدى ان تشبيعه جيدا قبل النوم وتؤخرى نومه ليغلب عليه النوم سريعا ولا تطول الرضعة.
ثم تدرجى فى الخطوات الاتية:
1- ادعى الله وانت موقنة بالاجابة فهو القادر ان ييسر لك كل عسير.
اكتبى عدد مرات الرضاعة خلال يوم كامل
خططى لتقليل الرضاعة رضعة واحدة اسبوعيا
يعنى مثلا عدد مرات الرضاعة وجدتى انه 10 رضعات
اذن هذا الاسبوع قللى رضعة فقط لتكون تسعة
2-
و3-استعينى بالاخوة والاقارب والاب فى شغل الطفل باللعب وقد تصل مدة الفطام الى شهرين والافضل ان تستغرق وقت اطول قد يصل الى شهور
3-وكلمايبكى اعطيه الكوب فى فترة منعه من الرضاعة
والهيه بالخروج او النظر من الشرفة
وفى وقت الخروج تعرضى عليه كل ما يحب من المأكولات والمشروبات حتى يشبع تماما.
4-لا تعملى مؤثرات تذكره بالرضاعة يعنى البسى ملابس مقفولة ولا تنيميه فى جلسة الرضاعة
وتستمر هذه المرحلة حوالى شهرين او اكثر
الى ان تبقى فقط رضعة الليل ووقتها:1-ممنوع ابعاد الطفل فى بيت اخرالا اذا كان الطفل يستمتع بوجوده فى هذا البيت2-قدمى المشروبات بالكوب وشبعيه دائما و عندما يبكى اعرضى عليه طعام يحبه
و عند رغبة الطفل فى الرضاعة ليلا
ممكن تقولى ماما مش هتقدر ترضعك عندها الم وانت فعلا عندك بعض الالم من تراكم اللبن فى الثدى وعندك الم نفسى لحزنك لبكاؤه وتظاهرى بالالم الشديد جدا والبكاء حتى يتعاطف معك وهذه طريقة ناجحة.
سيبكى ويبكى فالهيه ببعض الحلوى التى شكلها جديد ومغرى ولكن لا تكثرى منها حتى لا يتعود على الحلوى والافضل أى طعام اخر يفضلهواحرصى ان يلعب كثيرا نهارا ويمشى كثيرا او تخرجوا فى حديقة حتى يكون متعب عندما يأتى المساء واحرصى ان يسهر حتى تنطبق عيناه بالنوم وتاكليه التلبينة قبل النوم .وهىمن غذاء النبى صلى الله عليه وسلمملعقة كبيرة شعير مطحون بنخالته من العطارتضعيها على كوب حليب على نار هادئة جدا لمدة ربع ساعة مع التقليب المستمر او تكون سائلة فتشرب بالكوب وهى مهدئة ومنومةاو شراب البابونج و يوجد فى الصيدليةادوية اعشاب مهدئة للاطفال ( استشيرى طبيبك فى اعطاءها)
واذا بكى بالليل ورفض نهائيا ان ينام,اجعليه يشاهد افلام كارتون واحضرى العاب جديدة او ينظر من خلال زجاج الشباك اوتذهبوا فى نزهة بالسيارة الى ان ينام ان امكن
و نشرح للطفل ان خلاص كبر و مينفعش حد يشوفه و هو بيرضع و لا بابا و ده يقلل عدد مرات الرضاعة
ثم الاستعداد للاحتفال بتمام سنتين و ده سن توقف الرضاعة
و انه يشوف بيبى مولود بيرضع و بيفهم ان دول اللى بيرضعوا

و كل ما هتكلمى البيبى بالنهار عن انه كبر و ان الرضاعة قربت تخلص,هيقلل الطلب بالليل و ده مجرب
و هناك فكرة جميلة لصديقتى هبه يوسف و دى اخر ايام الفطام و هى ان تتفقى معه انك ستحكى حكاية و ان تكلم ستتوقفى .ثم تتطيلى فى الحكاية كثيييييييرا حتى ينام و تشترى لهذا الغرض قصص جديدة مبهرة فى الشكل لتعاونك
ويفضل فى هذا الوقت أن تكونى عند والدتك او يكون يوم زوجك اجازة فيه ليساعدك خصوصا اول ليلة.و هناك اعشاب اسمها المرمية تقلل اللبن ملعقة صغيرة على كوب صغير ماء مغلى وتغطى وتشرب فى البداية مرة فى اليوم كتجربة لانها قدتسبب دوخة لبعض الناس ثم 4 مرات فى اليوم لمدة من يوم الى 3 ايام وهى تستعمل فى امريكا من قبل استشارى الرضاعة هناك ويجب تعصرى ثديك لا يتراكم اللبن فيه قد يؤدى الى حدوث خراج وربنا يعافيك.
ملحوظة مهمة ان المرمية لاتؤخذ اثناء الحمل مطلقا
ولا تستعمل لمرضى التشنجات وقد تزيد الصداع النصفى .رجاء استشارة طبيبك قبل اخذ اى دواء او عشب وراجعى مقالة احتقان الثدى.. فهناك طرق اخرى لعلاج الاحتقان باذن الله
تجربة ناجحة باتباع هذه النصائح

الرسالة دى جتلى و حبيت انشرها للفائدة
خليكى مصرة على الأكل الصحى
خليكى مصرة على الرضاعة الطبيعية
خليكى مصرة على التربية بالحب
 هتلاقى النتيجة اسرع ما تتصورى
اني اقدر اكون البنت الوحيدة بعيلتي ارضع بنتي سنتين كاملين بدون نقطة صناعي بالرغم من انها مولودة وزنها قليل
وبالرغم من ضغوطات اهلي كلهم اننا عيلة مش بترضع طبيعي
و اكتر كمية تعليقات سلبية سمعتها في حياتي تخليني انهار من زمن
لكن ادخل بس اقرا لحضرتك بوست او كلام احسه من القلب وخوف علينا وعلى اولادنا اقوى بيكي واحس انه معايا سند بيقولي انتي صح وكملي
 واني ولله الحمد بنتي ما تعرف طريق اىمواد الحافظة ولا الحلويات والشيبسي ومتبعة تعليماتك بالاكل والشرب
بحس وسط الامهات اني ام فريدة من نوعها ومختلفة لاني بعامل بنتي على انها امانة من ربي في كل شي اكل وشرب ورعاية وحب و
وده اتعلمته من مقالات الجروب و البوستات الصحية و التربوية
وتشجيعك ودعمك لينا
 واخر شي وانا بفطم بنتي اتبعت اسلوب اني انا مصابة و متألمة و لا اقدر ارضعها كما في مكقال الفطام لحضرتك
فبنتي رفضت ترضع لانها خايفة عليها وبتعبر عن حنيتها ليا واحتوائها لاني احتويت وربيت بطريقة مختلفة عن امي واختي وخالاتي

بحصد بعد سنتين حنية وحب اتمنيتهم من ربي بقالي زمن و الجروب سبب فيهم
بجد ربنا جعلكم ليا ولبنتي سبب ان حياتي تكون كدة واكون راضية عنها وحاسة بالفخر وانا اربى بنتي


و هذه مقالة للاستاذة منة صلاح رأيت انها مكملة لغرض مقالتى
محتاجه أحكي معاكوا شوية عن "الأمان" الطفل لما بيتولد حاجات كتير بيكون لسه مش مدركها مش بيشوف الدنيا زي ما بنشوفها ولا حتي لسه فاهم إنكوا بقيتوا إتنين مش في جسم واحد أكبر حقيقة في حياته هي ماما و قربه من نفسك و دقات قلبك ,كلبشته فيكي لما بيكون قلقان و حضنك ,قربه منك لما بيجي يرضع و الوضع ده بيبقي فيه حالة حب شبه المعجزات هو بالنسباله من أكتر معاني الأمان = 1- وجودك و حضنك +2- ثقته فيكي إنك مش هتأذيه +الرضاعة
مش عارف إن في أي حاجة منهم هتتغير هم عنده زي الثوابت ميعرفش إن في فطام هيحصله ولا دي حاجة محتملة بالنسبة ليه الرضاعة هي الأمااااان فاهمين يعني إيه أمان ؟
هديكي مثال بعيد شوية بس في الحقيقة هو شبه إحساس الطفل بالظبط ,تخيلي إنك متعودة من يوم ما جيتي في الحياة تنزلي الشارع بحذاء هو ده معني "الأمان" لرجلك في الشارع ,فوجئتي في يوم إن كل أحذيتك محطوط فيها زلط و حاجات بتشك و كل ما تحاولي تلبسيه حد يشده منك و يقولك لأ هتنزلي الشارع كده !!! متخيله هتحسي بإيه ؟
سريرك مصدر أمانك اللي بتترمي عليه أخر يومك بعد التعب لقيتي عليه حاجات شكلها مخيف و إنت مش فاهمة دي إيه ؟
باب شقتك اللي بتقفليه كل يوم فجأة إتشال تماما إختفي و إنت لازم هتباتي في الشقة و تكملي حياتك كده !
شايفه الأفكار دي مش منطقية إزاي ؟
متخيله لو دي حقيقة و كل الناس حواليكي بيتعاملوا إن ده عادي هتحسي بإيه ؟
------------------------------------------------------------------------------------
طب تفتكروا لما يبقي طفل لسه مكملش سنتين من الثوابت في حياته إن رضاعته منك هي الأمان اللي هيلاقيه أي وقت و في يوم رايح عليكي زي ما متأكد و بيحتاج و بيلاقي كل يوم يلاقي ثدييك عليه مكركروم كأنه دم ,طعم مفزع و مر مش فاهم ده إيه , لون بني... مدركين ده عواقبه إيه ؟
الفطام مش بالدراع الطفل علشان يتفطم لاااااازم الموضوع يتسحب بالتدريج و علي أكتر من جانب :
1- يلاقي معاني تانية للأمان و يفهمها و يتطمن ليها (ثوابت جديدة )علي الأقل جدا تستمر شهر قبل الفطام زي :
*روتين جديد للنوم فيه خطوات بتتكرر كل يوم بنفس الترتيب و الشكل مثلا (دش دافئ -مساج - لعبة - غناء ..)
*أوضاع جديدة فيها تلامس و تقارب جسدي غير الرضاعة (شيله - لعبة ..)
*أحضاااان و تواجد للأم مع الطفل #خصوصا أخر أيام الفطام
2- الرضاعة تقل بالتدريييييييييييج (قد تصل لسنة كاملة اللي هي تاني سنة):
* يعني بدل ما كنت بجري بلهفه أرضعه وقت ما يعوز ,أحاول ألاعبه حتي دقيقتين و بعدين أستجيب ,شوية و يبقوا 5 شوية يبقي 10 ....
* أقسم الوقت رضعة و نخلصها بدري شوية صغيرة أوي و نكمل الوجبة أكل ...
*أقلل عدد الرضعات بالتدريج
**الجزء ده ممكن ألجأ لأخصائي رضاعة فيه هو أدري
3- إنشغال بحاجات جديدة :
*فترة التقليل الأخيرة أبقي عملالها خطة تسلية خروج و فسح و لعب و زيارات حاجات كتير مش معتاد عليها
دي خطوط عريضة بس إبحثوا و إستعدوا كفاية ,نفسية الأطفال الفترة دي و جهازهم العصبي فعليا زي البسكوتة و الرضاعة مش شوية لبن الطفل هيفقدوا دي صدمة بالنسبة ليه مش علي البال ولا في حيز المنطق
************************************************************************
للأسف الشديد أكتر 3 نصايح مدمرين :
1- وديه عند أي حد و إبعدي عنه اليومين دول و متخليهوش يقرب منك
2- أفطميه مره واحدة مش هتيجي غير كده هتتعبي و هاتي من الأخر !
3- حطيله ...... علي صدرك
بصي كده ال 3 مفاهيم للأمان فوق و بصي لدول ؟
فاهمين يعني إيه بدل ما بوجد أمان جديد بشويش و كل ما أتطمن إنه إرتاحله أسحب اللي إتعود عليه من غير ما يحس,بشوهله اللي إتعود عليه بحاجة هو مش فاهمها أصلا علشان يقرف و ميجيش جمبه و ممكن ميلاقينيش أنا شخصيا كمان و كده أنا فطمته !!!
دروب رهيب عامل زي القلم علي وش الطفل
*مش فاهم ليه أصلا مش من حقه يرضع بعد ما كان بيعمل كده كل يوم ؟
*مش فاهم ليه المكان بقي طعمة ولا شكله حاجة تخض فجأة ؟
*مش فاهم ليه كل ما يحاول يقرب ماما تبعده ؟
*مش فاهم ليه ملامحك اللي مليانه حب بقي فيها قلق و بعد كل ما يجي يرضع ؟
*مش فاهم ليه هو مخضوض و كل الناس عماله تلهيه بلعب و بيضحكوله كأن مشاعره مش موجودة ! و هو مش عارف يعبر بس محدش فاهم ولا مقدر 😞
نتيجة ده منتظرين إيه ؟
بيحصلهم أزمة فطام و تاخد صور كتير كلها ليها معني واحد : إنه متوتر و مخضوض و بيتفطم #غلط
1- يحاول يرضع منك رغم كل قلقه علشان يتطمن بيكي و يرضع بالمر و المكركروم و بكل حاجة 😭
2- ينتقم و يضرب و يعض فيكي أو يرفض يجيلك
3- يبدأ يرمي نفسه علي الأرض و نوبات الغضب تزيد
4- يفضل يحاول بإستماته و يعييط علي الرضاعة و الموضوع يزيد ميقلش
و إحنا نقول طبيعي هو أه طبيعي بتبقي فترة صعبة بس لو أنا عملت فيه كل اللي فوق ده فأكيد صعبتها عليه كتيييييييير و أحيانا بعد كل ده أبدأ أشخط و أزعق إنه مقريف علي طول و أجي عليه أكتر
لحد ما تيجي فترة ما يستسلم #ينهك من التعب و تخلص المرحلة
***************************************************************************
أنا الفطام خارج تخصصي لأي حد هيسألني عن السن و عدد الرضعات و الأكل ده لازمله متخصص رضاعة بس حبيت أتكلم من المنظور النفسي الطرق الغلط مش هينه ,من كام يوم لقيت أم بتسأل علي جروب أنا ناوية أفطم النهاردة و معنديش صبار أحط إيه ؟
فوق ال 100 كومنت معظمهم بيتفنن في أكتر حاجة مقرفة تنفر الطفل و نصايح لو إتجمعت هتبقي تحت عنوان "أخطر و أضر طريقة لفطام طفلك "
اللي تقول سيبيه عند مامتك و لازم فطام فجأة و اللي تقول حطي بن ,لون دم , كمون و لمون ,شطة , و واحدة بتقول للأم خدي شوية شعر من فرشتك حطيهم علي صدرك الشعر لما بيجي في بقه بيقرف جدا أنا إبني من يوم مهوبش جمبي تاني 😓😥😥😭
رغم إني متعودة في شغلي علي حاجات كتير بس معرفش ليه لقيت دموعي نازله مجرد ما حطيت نفسي مكان الطفل علي قد عقله و إدراكه الصغير يمكن كمان حزنت علي الأمهات اللي مصره تاخد نصايحها من أمهات زييها لمجرد إنهم أكيد عارفين الصح ! صعب عليا لما فتحت جوجل و اليوتيوب و كمية الدكاترة اللي بيشرحوا الطرق بالتفصيل و بيحذروا بالإجماع من أكترية النصائح اللي شوفتها و مجرد ما فوقت شوية كتبت المقال
و الله في حاجات بقالنا سنين تتوارثها الأجيال غلط حتي لو كل الناس عملوها و لسه عايشين !
و الله ما شطارة ولا مؤشر كويس إن الطفل يحقق الهدف (يسيب الرضاعة) بسرعة
و الله هتلاقي ناس تنصحك بمنتهي الثقة و تتخانق معاكي علشان تقنعك و كلامها يبان منطقي و مليان نجاحات و هو مش صح و مؤذي و هم مش عارفين
الحكاية مش دايما بتحقيق الهدف مش معني إنه إتفطم يبقي الطريقة صح و ناجحة لإن بيبقي ليها عواقب كتير إنت مش رابطاهم ببعض
الموضوع مش صعب كل المطلوب نستغل النعمة اللي إحنا فيها العلم ناقص يمطر علينا و ببلاش و من بيتك إحنا ماسكين في السكة الغلط بإستماته ليه ؟
كتير بيبقي في ظروف خاصة و كتير الرضاعة الطبيعي مش بتكون متاحة لظروف ما ربنا بيرزق أطفال درجة تكييف أعلي من غيرهم و ربنا رحيم بالطفل أكتر من أي حد متتخيليش إنه ناقصه حاجة أو بيتأذي علشان إنت عندك مشكلة صحية 
أنا بتكلم عن أم بترضع طبيعي و هتفطم هنا الوضع بيختلف
اللي فطم فطم مش هدفي نلوم نفسنا ربنا رحيم و بيستر بس متكمليش في السكة دي في كل تحدياتك مع ولادك ,لو الفطام عدي لسه في تحديات كتير لو غيرتي مصادرك و قفلتي تماما مبدأ أسأل أي حد خلف ده , ممكن الحياة تبقي أحلي كتير مع ولادك صدقيني 
هونوها عليكوا و علي ولادكوا و كفاية تجارب 
#مش_بالدراع
#الفطام
#منة_صلاح متخصصة تعديل سلوك أطفال و مراهقين

تجربة ناجحة فى الفطام

حبيت اشاركم تجربتى فى فطام ابنى  
مبدأيا انا قررت افطم ابنى على تمام العامين وبدأت فطام تدريجى من قبل مايتم العامين بشهرين ازااى؟
اول حاجه نويت انى افطم ابنى واستعنت بالله واذكركم بقول سيدنا النبى محمد واستعينو على قضاء حوائجكم بالكتمان وتصدقت بنية ان ربنا يسهل عليا فطامه 
تانى حاجه عملتها انى قرات عن اصح فطام للطفل وافضل وقت للفطام ولاقيت ان افضل فطام هو فطام تدريجى عامين 
فادنى جدااا فيديو جميل لدكتورة Marwa tamer -اسألكم جميعا الدعاء لها بالشفاء العاجل - اتكلمت فيه عن الفطام وتجربتها بإذن الله هرفق الفيديو فى التعليقات 
بس اكيد كل تجربه بتختلف من حد للتانى تبعا لظروفه
فى الاول بدأت اسجل عدد الرضعات على مدار اليوم عشان بشكل تدريجى كل اسبوع انقص رضعه ولكن الطريقه دى مانجحتش معايا لان في ايام كانت عدد الرضاعه بيقلل وايام تانيه يزيد تبعا لظروف اليوم
فاعتمدت طريقه سميتها الصياام وهى انى ابدا مع ابنى وكأنى بعلمه الصيام عن -الرضاعه الطبيعيه- بس صيام من نوع خاص صيام عن الرضاعه فقط 
بدأت معاه اول مرحله من الساعه 8او9على حسب وقت الصحيان صيااام عن الرضاعه لحد الساعه 11 واعوض فى الوقت ده فطار مغذى ولما تيجى الساعه 11ارضعه عادى وكل مايطلب صدرى ارضعه ولكن ما اعرضش عليه الرضاعه 
واستمريت اسبوع لحد ماثبت اول مرحله وهى الصيام لمده ساعتين لحد ماهو اتعود على ان الوقت ده مش وقت رضاعه 
وتانى مرحله بدات امد وقت الفطام لغايه الساعه 2 وفى الوقت ده كنت بلزم نفسى انى ما اقعدش قدامه او يلاقينى فى وضع الجلوس وبحاول ألهيه عنى باللعب شويه وبتجهيز الفطار او اشاركه فى اللعب او نخرج سوا اجيب طلبات المهم انى امنع تماما الرضاعه لحد الساعه 2 وبعد الساعه 2لما يطلب ما ارضعه برضعه ويستمر اليوم عااادى جدا وارضعه كلمايطلب واستمر اسبوع لحد ماثبت الفترة التانيه للفطام
بعدهابدات المرحله الاهم التالته تابته هههه بدات امد فترة صيامه عن الرضاعه الى الساعه 6وفى الاسبوع كان لازم املى الوقت ده بشىء مسلى له فاستضفت في الاسبوع- ده طفلين بعمر 6و5 ولاد عمته -و كان بيتلهى جدا فى اللعب معاهم 
طبعا ممكن لو مافيش اطفال تقدرى تستضفيهم او هيبقى الموضوع مرهق بالنسبه لك ممكن فى الوقت ده تنزلي معاها وتقضيه زيارات واهى -فرصه لتقويه صله الرحم- او تتزليه فى نادى وتبقى معاه كللل واحد على حسب ظروفه ونمط حياته 
المهم ان الفترة دى اتلهى فيها ونسى الرضاعه باللعب معاهم ولما كان فى فترة القيلوله اللى بينام فيها ومتعود على انه ينام على صدرى كنت بنيمه على كتفى واطبطب عليه بشويش وادندن له باغانى الاطفال
بعد ماثبت مرحله الصيام عن الرضاعه لغايه الساعه 6 وكل ده وانا بعوض بوجبات فطار وغداء وعشاء ويتخللهم وجبات خفيفه وحلوة 
بعدالاسبوع التالت بدات ازود الفترة لغااايه وقت نومه الساعه 9 فى الوقت ده كنت بنيمه بس على صدرى وبعد كده بالليل لو صحى يرضع بعرض عليه فى الاول مياه بحط الكوبايه جنبى عشان لما يصحى ما اضطرش اقوم وبالتالى يصحى اوقات كان يشرب المياه وينام فكنت بسيبه من غير ما اعرض عليه يرضع واوقات تانيه كان بس بيطلب يرضع وكنت برضعه عادى الاهم انى بدات اقلل عدد الرضعات لرضعه قبل النوم
االاسبوع الرابع كان قبل نومه بساعة كنت بأكله كويس جداا عشان اعوض منع الرضاعه وفى نفس الوقت اضمن ان طلبه الرضاعه بسبب التعلق لاغير مش جوع او ملل وكنت بنيمه على كتفى واطبطب عليه واغنيله اغانى حلوة بتاعتالاطفال
جينا للااااخر اسبوع- واسفه انى طولت عليكم بس انا حبيت اسرد كل شىء بالتفصيل الممل للافاده -
الاسبوع ده يفضل ينام جنب الطفل اكتر حد متعلق بيه الطفل ومصدر امان بالنسبه له بعد امه 
وطبعا الشخص ده بالنسبه لى كان ابو ابنى - ربنا يحفظه -كان بينام مع ابنى فلما يصحى بليل يقلق من نومه يلاقيه جنبه كان يهديه ويعرض عليه المياه وينام تانى من غير مايطلب يرضع واناكنت بنام بعيد عن ابنى فى قوضه تانيه فى سريرتانى المهممم انى مابقاش جنبه لانه فى صحيانه بليل هيطلب الرضاعه طول ماانتى جنبه انما لو بعدتى شويه مش هيركز هيصحى وشويه طبطبه من والده او اى حد متعلق بيه غيرك هينام تانى ومش كل صحيان منه بليل يبقى معناه انه عاوز يرضع وبعد اسبوووع من نومه المنفصل فى سرير لوحده مع والده اتفطم ابنى من غير ااااى الم فى صدرى او اى مسكن او برشاام ومن غير ما ابعده عنى عند جدته ومن غير ما اثر على نفسيته واخر حاجه مهمه ان فترة فطامه تبعدى تماما عناى ملابس مفتوحه الصدر وملحوووظه صغننه ممنوووع تمام لما الطفل يصحى بليل فى فترة فطامه تعرضى عليه عصائرر غلطططط لانها هتسبب له غير تسوس الاسنان كمان مش هتبقى مفيدة بالنسبه له كوب لبن كويس جداا وقبل ماينام
اسفه انى طولت عليكم




اذا لم تستطيعى التطبيق ,زورى استشارية الرضاعة الطبيعية

المقال من باب المعلومات العامة و لا يغنى عن زيارة الطبيب.فاستشيرى طبيبك و طبيب طفلك فى كل ما يخصكما

No comments:

Post a Comment

Note: Only a member of this blog may post a comment.