بسم لله الرحمن الرحيم
حكايتي مع الرضاعة ممكن حد يستفيد منها اول ما وضعت ابنى على تلت يوم نزل لبن كتير جدا لدرجه كنت بغير لبسي من كتر اللبن ومكنش عندي اى مشكلة باللبن
لكن لما ابنى دخل الحضان وبقيت أعصر مره واحده فى اليوم او معصرش وكل شويه كنت بعيط علشان خايفة عليه .ومكنتش باكل ولا اشرب لحد ما ابنى رجعلى الحمد لله
بقيت اديله صدري يمسك وميرضعش وبدأ يتعب تانى روحت لدكتور صرف لبن صناعي
مبقتش متخيله ان ابنى ميرضعش منى اديله الرضعه وأقعد اعيط لحد نفسيتي تعبت جامد جدا وبقيت أقول يارررب حلها من عندك
فعرفت دكتور ورحتله رغم المسافه البعيدة لكن للأسف متحلتش المشكلة. قعدت أقول ياررررب وادعى لحد ما صحبتى كلمتنى وعرفتنى ان فى دكتوره ممكن تروحيلها او تتواصلى معها على الموبايل .
كنت بعيط متواصل.مفيش فى حياتى الا الدموع.
فقررت لبعد المسافة انى اتواصل أسهل ليه وبالفعل تم التواصل واستفدت كتير وافدتنى عن طريق التلفون
كانت مشكلتى ان عايزة ازود لبنى و حاولت بكل طريقة معرفتش.فهمت منها ان لازم اهتم بالتعصير ٨ مرات فى اليوم
و كنت عايزة اجوع ابنى علشان مياخدش صناعى.قالت لى ان حتى لو اخد صناعى و شبع و نام فده فايدة لان هيبقى عندى وقت اعصر و ازود اللبن و ده اللى حصل فعلا.
اتعلمت ازاى اعطى الصناعى من غير ببرونة و ازاى احفظ اللبن.
كمان شجعتنى اعمل عملية اللسان المربوط لابنى لانى اكتشفت ان مشكلته ضعف قوة المص.و رغم ان الجراح قالى مينفعش اعملها انما شجعتنى اروح لجراح تانى و فعلا عملتها و فرقت بفضل الله.
فكل سؤال كانت بترد عليه وأد ايه دكتوره حنينه وخلوقه دشروق.انا ساكنة فى قرية و كانت امنيتى انجح فى الرضاعة علشان اعرف اللى حواليا ان ده ممكن و ان بالعلم و المساندة النفسية و التوكل على الله تقدرى تعملى أى حاجة.
الحمد لله انا سعيدة باللى وصلتله.لسه مبطلتش الصناعى بس ما لايدرك كله لا يترك كله
بدأت الأكل و هزودبالتدريج باذن الله لحد ما استغنى عن الصناعى.
تجربة بذلت جهد فيها بس جهد زود ثقتى فى نفسى و حسسنى انى اقدر اعمل حاجات كتير.زى ما نجحت فى دى باذن الله الحياة قدامى اقدر احقق نجاحات تانية و اربى ولادى زى ما انا عايزة.
دايما معيشتى فى القرية كانت بتحسسنى انى مش هقدر اعمل حاجات كتير.دلوقتى اثبت لنفسى ان زى ما نجحت فى الرضاعة بالمساعدة اونلاين, هقدر اعمل اى حاجة.
حكايتي مع الرضاعة ممكن حد يستفيد منها اول ما وضعت ابنى على تلت يوم نزل لبن كتير جدا لدرجه كنت بغير لبسي من كتر اللبن ومكنش عندي اى مشكلة باللبن
لكن لما ابنى دخل الحضان وبقيت أعصر مره واحده فى اليوم او معصرش وكل شويه كنت بعيط علشان خايفة عليه .ومكنتش باكل ولا اشرب لحد ما ابنى رجعلى الحمد لله
بقيت اديله صدري يمسك وميرضعش وبدأ يتعب تانى روحت لدكتور صرف لبن صناعي
مبقتش متخيله ان ابنى ميرضعش منى اديله الرضعه وأقعد اعيط لحد نفسيتي تعبت جامد جدا وبقيت أقول يارررب حلها من عندك
فعرفت دكتور ورحتله رغم المسافه البعيدة لكن للأسف متحلتش المشكلة. قعدت أقول ياررررب وادعى لحد ما صحبتى كلمتنى وعرفتنى ان فى دكتوره ممكن تروحيلها او تتواصلى معها على الموبايل .
كنت بعيط متواصل.مفيش فى حياتى الا الدموع.
فقررت لبعد المسافة انى اتواصل أسهل ليه وبالفعل تم التواصل واستفدت كتير وافدتنى عن طريق التلفون
كانت مشكلتى ان عايزة ازود لبنى و حاولت بكل طريقة معرفتش.فهمت منها ان لازم اهتم بالتعصير ٨ مرات فى اليوم
و كنت عايزة اجوع ابنى علشان مياخدش صناعى.قالت لى ان حتى لو اخد صناعى و شبع و نام فده فايدة لان هيبقى عندى وقت اعصر و ازود اللبن و ده اللى حصل فعلا.
اتعلمت ازاى اعطى الصناعى من غير ببرونة و ازاى احفظ اللبن.
كمان شجعتنى اعمل عملية اللسان المربوط لابنى لانى اكتشفت ان مشكلته ضعف قوة المص.و رغم ان الجراح قالى مينفعش اعملها انما شجعتنى اروح لجراح تانى و فعلا عملتها و فرقت بفضل الله.
فكل سؤال كانت بترد عليه وأد ايه دكتوره حنينه وخلوقه دشروق.انا ساكنة فى قرية و كانت امنيتى انجح فى الرضاعة علشان اعرف اللى حواليا ان ده ممكن و ان بالعلم و المساندة النفسية و التوكل على الله تقدرى تعملى أى حاجة.
الحمد لله انا سعيدة باللى وصلتله.لسه مبطلتش الصناعى بس ما لايدرك كله لا يترك كله
بدأت الأكل و هزودبالتدريج باذن الله لحد ما استغنى عن الصناعى.
تجربة بذلت جهد فيها بس جهد زود ثقتى فى نفسى و حسسنى انى اقدر اعمل حاجات كتير.زى ما نجحت فى دى باذن الله الحياة قدامى اقدر احقق نجاحات تانية و اربى ولادى زى ما انا عايزة.
دايما معيشتى فى القرية كانت بتحسسنى انى مش هقدر اعمل حاجات كتير.دلوقتى اثبت لنفسى ان زى ما نجحت فى الرضاعة بالمساعدة اونلاين, هقدر اعمل اى حاجة.
No comments:
Post a Comment